Skip to main content

Jess Svane: Inigisamut akiliut apparujussuarli

Qaasuitsup Kommuniani Siumut sinnerlugu kommunalbestyrelsemi ilaasortaq Jess Svane siunnersuuteqarpoq inigisamut akiitsut akiorneqarnissaat pillugu

Inigisamut akiliut ima qaffasitsigilersimavoq ilaqutariippassuarnut akileruminaallisimalluni, taama isumaqarpoq Siumut sinnerlugu Qaasuitsup Kommuniani kommunalbestyrelsemi ilaasortaq Jess Svane. Taamaatttumik siunnersuuteqarpoq ineqarnermiut akiliutip appartingaatsiarnissaanik.

Kommuneni isumaginninnermut allaffeqarfiit arlalitsisut akuliuttariaqartarput innuttaasut ineqarnermut akiliisinnaajunnaaraangata. Tamatuma qaangeriarnissaanut Jess Svane siunnersuuteqarpoq.

- Inissiat pisortat pingisaat akikillineqarujussuarniarlik. Taamaaligutta aatsaat aningaasat pisortat tingusassaat tingooqqarneqalissapput akiittunikkaluttuinnarnerlu unitsinneqarluni. Akiittunikkaluttuinnarnermi tamatsinnut nammakkersuutaavoq, Jess Svane oqarpoq.

Aningaasartuutit milliardilikkaat
Namminersorlutik Oqartussat 2008-mi naatsorsuinerat malillugu inissiat iluarsaartuunneqarnissamik pisariaqartitsinerat milliarder koruunit sinnerlugit akeqartussavoq.

- Niuertutut taava eqqarsartoqartariaqarpoq. Aningaasat isertut ikinnerussapput kisianni piffissap sivisunngitsup ingerlanerani aningaasat amerlanerit isernissaat qulakkeerneqassaaq, Jess Svane oqarpoq.

2013-mi ukiakkut ineqarnermut akiliut qaffanneqarpoq inissiat iluarsartuunnissaat aammalu inissiat oqummit eqqugaasut iluarsartuunnissaat akissaqartikkumallugu.

- Aningaasat isertut killeqalersarput ineqarnermut akiliut innuttaasut akilersinnaanngikkaangassuk. Aamma allaffissornermi aningaaartuuterpassuaqartarpoq inigisamut akiliinissamut boligsikring aqqutigalugu taperneqartariaqalerfimmi. Tamakku tamarmi inissiaatileqatigiit Inip aningaasanik isaatitsiniarnera kingaallassimaartippaat. Taamaattuminguna inigisamut akiliutip apparnissaa siunnersuutigigiga pilertornerusumi Ini aningaasanik isaatitsiniassammat, Jess Svane oqarpoq.

Nuttarsinnaaneq unitsippaat
Taanna isumaqarpoq inissiamut anginngitsumut qaammammut 8.000 koruuninik akiliisariaqartarneq ilaqutariippassuit nammakkuminaatsikkaat. Sulilu akilersuiniarneq ajornakusoornerulersarpoq pilersueqataasut arlaat suliffissaaleqinermik eqqorneqaraangat.

- Inuit ilaat sivisuumik initaarnissaminnut utaqqisimasut iikkamut aportutullusooq pisarput inigisamut akiligassaq siulleq takkukkaangat. Allaammi imaalersimasoq inissiat anginngikkaluit piginneqatigiilluni inissianiit qaammammut akisuninngorsimallutik. Aamma inigisamut akiliutit qaffasinnerujussuisa inuit illoqarfinnut suliffissaqarfiunerusunut nuttarsinnaanerat unikaallatsissimavaa, Jess Svane oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER