Skip to main content

Jess G.: Nunaqavissut salliutinneqassapput

Aatsaat nunaqavissunik pissarsisoqarsinnaanngilluinnarpat avataanit sulisartunik tikisitsisoqarsinnaassaaq, Jess G. Berthelsen oqarpoq

– Ippassaq Nunatsinni oqaluttuarisaanermut ilannguttussamik nunarput nammineerluni aalajangiivoq, tassalu akuersaanngivinnerup atorunnaarsinneqarnissaanik. Tamatumunnga atatillugu qallunaat ingerlatsivii DR1-imi oqarput suliassarpassuaqaleramik qilanaarlutik, tamatumunngalu atatillugu misilittagaqarnertik taakkartorlugu, SIK-p siulittaasua Jess G. Berthelsen allappoq, taassumali qallunaat ingerlatsivii Nunatsinni misilittagaqarfigilluanngilai.
Tamatumunnga atatillugu tusagassiorfinnut nalunaarummi allappoq:
– Tamatumunnga atatillugu SIK-miit oqartariaqarpunga qallunaat suliffeqarfiutaannut uagut misilittakkavut pitsaanerpaajunngimmata. Tassami Niaqunngunami olivinisiortoqalermat savalimmiormiut qallunaallu annertuumik sulisorineqarput. Aatsaat Minelco-p qallunaat underrentreprenøriinik suleqateqarnini unitsimmagu namminerlu tunisassiorneq ingerlatilerlugu nunaqavissuinnangajaat sulisorineqalerput, Jess G. Berthelsen paasissutissiivoq.
– Taamatut pisoqaqqeqqunagu maannakkumiit sukaterisoqalertariaqarpoq. Pingaaruteqartorujussuuvormi suliassat pingaarutillit aallartinneqaraangata nunaqavissut aallaqqaaterpiaanit peqataasarnissaat, SIK-p siulittaasua oqarpoq nangillunilu:
– Niaqunngunamisut pisoqaqqissanngippat qallunaat ingerlatsiviinut piumasaqaatit sakkortusineqartariaqarput. Ingerlatsivinni nutaani atorfinitsitsinermi nunaqavissut salliutinneqartariaqarput. Aatsaat sulisartunik nunaqavissunik pissarsisoqarsinnaanngippat avataanit tikisitsisoqarsinnaassaaq. Ingerlatsiviit tamarmik uppernarsartassavaat ilumut sulisartunik nunaqavissunik pissarsisinnaanatik, sulisartunik avataanit tikisitsinnginnerminni, Jess G. Berthelsen erseqqissaavoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER