Aalisarneq
Jess G: - Umiarsuit tunitsiviit nuannarinngilakka
Namminersorlutik Oqartussat saarullinniarnermi umiarsuarnik tunitsiviliinissamik tallimanik akuersissuteqarput
- Umiarsuit tunitsiviit nuannarinneqaakka!
Taamak Sermitsiamut oqarpoq sulinermik inuussutissarsiuteqartut siulittaasuat Jess G. Berthelsen Sermitsiamut taama oqarpoq.
Maajimi juunimilu marluk naatsorsuutigineqarsinnaasarput: Bundgarnersorluni saarullinniarneq aallartittarpoq umiarsuarmillu tunitsivileeqqusisoqalersarluni.
Taamaalilluni aalisartut tunitsiveqarnikkut killilesorneqarnermik nalaanneqartut suliffissuarnilu sulisartut suliassamik avalaanneqarnerannik isiginnaartut akornanni aaqqiagiinnginneq ilisarnartoq pilersarpoq.
Taamaattumik SIK’p umiarsuit tunitsiviit akerlerai.
- Imaanngilarli ataasiakkaatigut umiarsuarmik tunitsiviliisoqartariaqartarnera akerlerigiga, Jess G. Berthelsen oqaroq.
Kattuffimmi siulittaasup Tasiilaq assersuutitut taavaa aalisakkeriveqanngitsoq.
- Tasiilami umiarsuarmik tunitsiviliinikkut illoqarfimmi aalisartut pisaminnik tunisaqarsinnaapput, umiarsuarli tunitsivik kingorna tunisassiassanik aallarussissaaq aalisakkerivimmut qaninerpaamut assartuilluni.
- Illoqarfinnili nunaqarfinnilu ullumikkut aalisakkeriveqareersuni umiarsuarmik tunitsiviliinissaq periarfissaasariaqanngikkaluarpoq, nunamimi suliffissuarmi sulisut suliassaannik arsaartarpaat, Jess G. Berthelsen oqarpoq.
Namminersorlutik Oqartussat ukiormanna saarullinniarnermut umiarsuarnik tunitsivinnut tallimanut akuersissuteqarnikuupput.
Akerleriinneq pillugu Sermitsiami paasisaqarnerugit: