Skip to main content

Jens Salling akunnittarfimmut nutaamut aningaasaliivoq

Millionerpassuarnik pigisallip Jens Sallingip raajarniat suliffeqarfiutaanni Polar Seafoodimeersup, aningaasaliinissamut piginneqatigiiffimmi, Ilulissani akunnittarfiliorniartumi piginneqataassutit affai pisiarai

Nunatsinni angutit pisuunerpaat ilaat Ilulissani akunnittarfimmik nutaamik pilersitseqataarusuppoq.

Millionerpassuarnik pigisalik aamma Polar Seafoodimi amerlasuunik aktiaatilik, Jens Salling suliniummut, nukariit Frank aamma Tommy Baggerikkut Ilulissani illoqarfiup qatsinnersaani akunnittarfiliornissamut pilersaarutaannut peqataalerpoq.  

Aningaasat sulissapput

- Pilersaarutigineqartoq upperigakku. Aningaasaatit sunut aningaasaliissutaasinnaanerat misissoraanni aningaasaliinissamut periarfissamut tamatumunnga naaggaarsinnaannginnama. Aningaasammi sulissapput, raajarniutaatilissuaq Jens Salling oqarpoq.

Nunatsinni suliffeqarfimmi namminersortunit pigineqartumi annerpaami qullersaq taanna,  Nunatsinni aalisarnermi aamma aalisakkanik tunisassiornermi misilittagartooq, Avannaani takornariartitsinermi illoqarfiit pingaarnersaanni takornariartitsinermik ineriartortitsinermi aamma maanna peqataarusulerpoq.

Frank aamma Tommy Bagger peqatigalugit Jens Salling ukiuni tulliuttuni marlunni akunnittarfimmut nutaamut sanatitsisuussaaq, sanaartorneqartussaq 110 aamma 120 millionit koruunit missaannik akeqartussatut oqaatigineqarpoq.   

Allaaserisaq tamaat aviisimi Sermitsiami atuaruk – uani ataani linki atoruk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER