Skip to main content

Jens Napaattooq ataatsimiititalianit siulittaajunnaarsinneqarpoq

Naleqqamit politikeri aappanilu angerlarsimaffimminni aaqqiagiinngissuteqarnerat tamanit ilisimaneqalereersorlu, politikeri sulinngiffeqalermat Inatsisartuni ataatsimiititaliani siulittaasuuffeqarunnaarsinneqarpoq.

Jens Napaattooq Inatsisartuni aningaasaqarnermut akileraartarnermullu ataatsimiititaliami aamma aalisarnermut piniarnermullu ataatsimiititaliami siulittaasuujunnaarpoq. Tamanna Naalakkersuisoqatigiit Inatsisartuni gruppiata siulittaasoqarfimmut immikkut ittumik qinnutigereeraalu, Inatsisartut ippassaq 3. maj matoqqasumik ataatsimiinnerminni aalajangerpaat.

Inatsisartut qinersereernerup kingorna inissititernermi Jens Napaattooq ataatsimiititaliani pingaaruteqarluinnartuni marlunni siulittaaffilerneqaraluarpoq. Taama toqqaasoqarnerani Siumut aamma Demokraatit akerliunertik takutillugu Inatsisartut ataatsimiittarfiannit aniapput.

Piffissamimi tassani video nittartakkani attaveqatigiiffiusuni ingerlaalereersimavoq. Videomi pineqartumi Jens Napaattooq aappanilu aaqqiagiinngissuteqartut tusaaneqarsinnaavoq, illuatungiliuttullu isumaqarput taama pissusilersorneq "akisussaaffinnik angisuunik akiliinnarneqarsinnaanngitsoq".

Naleraq siulittaasuuffimmik annaasaqarpoq

Jens Napaattooq Inatsisartunit napparsimalluni sulinngiffeqarumalluni qinnuteqareerpoq akuerisaallunilu. Ataatsimiititaliamilu ilaasortat inissititerniariartut aammaarlutik siulittaasussanik innersuussinissamik suliaqaqqittoqarpoq. Tamanna isumaqarpoq Jens Napaattooq politikkimut uteqqissagaluaruni imaaliallaannaq siulittaasuuffinnik tunineqariaannaassanngitsoq.

- Tamanna pissusissaminiilluinnartoq isumaqarpunga. Aamma nalugakku qanoq sivisutigisumik napparsimallunga sulinngiffeqassanersunga. Aappara tapersersorniarpara, aamma katsorsartinnissarput pingaartitanni siulliupput, Jens Napaattooq Sermitsiaq.AG-mut oqaluttuarpoq.

Paneeraq Olsen (N) Inatsisartuni aningaasaqarnermut akileraartarnermullu ataatsimiititaliami maanna siulittaasunngorpoq, Hans Aronsenilu (IA) aalisarnermut, piniarnermut aamma nunalerinermut ataatsimiititaliami siulittaasunngorpoq. Tamanna isumaqarpoq Jens Napaattuup sulinngiffeqarnera Naleqqap ataatsimiititaliami siulittaasuuffimmik annaasaqarfigigaa.

Politikkimit unikkallartoq

Jens Napaattooq nassuiaavoq politikkimik suliaqarunnaarallarnera isumaqanngilaq politikkimit tunuavittoq.

Taanna Upernavimmut tikeqqammerpoq, katsorsartinnissaminnullu qinnuteqaatip akineqarnissaa maanna utaqqivaat.

- Politikkimik sulinera unitsinngilara. Maannakkulli ilaquttakka katsorsartinnissamullu alloriarneq salliutippakka. Tamanna naammassippat politikkimik sulinera nangeqqissinnaassavara. Qaquguussanersoq suli ilisimanngilara, Jens Napaattooq oqarpoq.

Ataatsimiititaliat ilaasortai uani takusinnaavatit:

screendumb
screendumb
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER