Skip to main content

Jens Immanuelsen: Killeqanngitsumik aalisarneq atorunnaassaaq

Sinerissap qanittuani qaleralinniarneq pillugu Namminersorlutik Oqartussat nalunaarutissaattut siunnersuut Naalakkersuisunit tusarniutigineqalerpoq. Nalunaarut atorlugu killeqanngitsumik aalisarneq Naalakkersuisunit atorunnaarsinniarneqarpoq.

Aalisarnermut, piniarnermut nunalerinermullu Naalakkersuisoq, Jens Immanuelsen, qaleralinniarnermi aalajangersimasunik pisassaqartitsisarnissamut suliniuteqarpoq.

Nalunaarummik nutaamik siunnersuuteqarnermi, maanna tusarniutigineqalersumi, aqutsiveqarfinni Qeqertarsuup Tunuani, Uummannami aamma Upernavimmi aqutsiveqarfiit iluani titarnilimmi, qaleralinnik killilersorneqanngitsunik aalisartoqarsinnaanera atorunnaarsinniarpaa.

Nalunaarutissatut siunnersuummi naalakkersuisunit siunnersuutigineqarpoq nuna tamakkerlugu aqutsiveqarfinnut agguarneqassasoq. Tamanna isumaqarpoq siunnersuut akuerineqassappat nunatsinni aalisarnermi aqutsiveqarfiit arfineq-pingasuulissasut.

- Taanna Naalakkersuisooqatigiinnissamut isumaqatigiissummut ilaavoq, isumaqatigiissummi ilaatigut ima allassimasoqarluni: Nunatta sineriaa tamarmi aalisarnikkut aqutsiveqarfinnut immikkoortiterneqassaaq, tassanilu sapinngisamik amerlanerpaat pillugit pisassiisoqartassalluni. Uumassusilinnik siunnersuisartut pisassat annertunerusumik innersuussuteqartassapput,
tassanilu aqutsiviit nutaat ilanngullugit siunnersuusiortoqassaaq, aalisarnermut naalakkersuisoqarfik tusagassiutinut nalunaaruteqarluni allappoq.

Aalisartut nutaat akuersissutitaartarnissaat killilersorneqalissaaq

Umiatsiaararsorlutik aalisartut nutaat sumiiffiit ilaanni akuersissutinik tunineqartarnerisa killilersorneqalernissaat Naalakkersuisut aamma siunnersuutigaat.

- Qeqertarsuup Tunuani qaleralinnut pisassiissutit septembarip 6-ianni 2019-imi ilaniarnerannut atatillugu Naalakkersuisut aalajangerput aqutsiveqarfimmi Qeqertarsuup Tunuani,
ajornanngippallu aqutsiveqarfiup 47-p ilaani aalisartunut nutaanut umiatsiaaqqanut akuersissutit tunniunneqartarnerat killilersorniarlugu sulineq ingerlaqqittariaqartoq, tamatumunngalu
umiatsiaaqqat amerlavallaat aalisarnerat pissutaatinneqarluni, allassimavoq.

Aalisarnermut naalakkersuisoqarfik naapertorlugu aqutsiveqarfinni Upernavimmi, Uummannami Qeqertarsuullu Tunuani 2013-imiit 2019-imut akuersissutaatillit 42 procentimik amerleriarsimapput, piffissamilu tassani ilisimatuussutsikkut pisassanik siunnersuinerit 36 procentinik ikileriarsimallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER