Jens Friis-Salling - Nunanit allaneersut sulisut uagut sulisorisatta ilaattut pinngitsoorneqarsinnaanngillat
Polar Seafoodip soqutigisaraa ingerlatsiviup sulisussanik kajungilersitsinissaq, aamma sulisunik pikkorissunik sulisoqaannarnissaq. Apeqqutaanngilaq Kalaallit Nunaanneernersut imaluunniit nunamit allaneersuunersut, pisortaq oqarpoq.
Polar Seafoodip pisortaa Jens Friis-Salling erseqqilluinnartumik isumaqarpoq Kalaallit Nunaanni aalisarnermik ingerlatsiviup aalisakkeriviutaasa ilaannut utaqqiisaagallartumik imaluunniit aalisarfiup nalaani sulisussarsiortarneq pineqaraangat.
Aviisi Sermitsiaq taama allappoq.
- Soqutigisaraarput sapinngisamik amerlanerpaamik sulisoqarsinnaanissaq. Apeqqutaanngilaq atorfillit kalaaliuppata imaluunniit nunanit allaneersuuppata. Ingerlaqqittariaqarpugummi.
Polar Seafoodip pisortaa Sermitsiamut taama oqarpoq.
Taamatut isertuanngilluinnarluni oqarpoq Polar Seafoodip pisortaanera aamma Sermitsiami aktiaateqarnersaasoq.
Taamatut oqaaseqaateqarneq SIK-mi qullersaasunik ajuallatsitsisoq. SIK-p siulittaasua Jess G. Berthelsen siornatigut oqarpoq Kalaallit Nunaanni najugaqartunit suliarineqarluarsinnaasut suliassat nunanit allaneersunit sulisunit tikisitsilluni suliarineqartartut amerligaluttuinnartut.
Jens Friis-Sallingingip sulisussarsisarneq pillugu nangilluni oqarpoq Polar Seafoodip soqutigisarigaa Kalaallit Nunaannut aalisakkerivinnut sulisunik pikkorissunik suliffeqarfissuaq kajungilersitsisinnaasoq, sulisussarsisinnaasoq aamma sulisoriinnarnissaannik attatiinnartitsisisinnaasoq.
Nunanit allaneersut sulisut ukiut ikittuinnaat ingerlaneranni aalisakkeriviutitsinni sulisutut pinngitsoorsinnaajunnaarsinnaavavut. Ingammik massakkorluinnaq, Jens Friis-Salling erseqqissaavoq.
Aviisimi Sermitsiami atuarnerusinnaavutit. Aviisi uani pissarsiariuk: