Skip to main content

Jens-Frederik kredsmesterinngortoq

GM-imut anngunniutingaluni kredsmester-titsineq paamiormiunit nuummiunillu peqataaffigineqartoq sapaatiummat naammassineqarpoq. Unammeqataasoq pingasoriarluni kredsmesterinngorpoq

Nuummi sapaatip akunnerata naanerani sulorarnermik kredsmesterskabertoqarnerani B-67-minngaanneersut Jens-Frederik Nielsen Frederik Elsnerilu nuannivimmik pissartannorniutivipput.

Jens-Frederik Nielsen sæt-ini marlunni 21-15-mik, 21-18-millu ajugaavoq. Nuummilu qanittumi GM-ertitsisoqalerpat pissaganartumik unammisoqaqqinnissaa qularnanngilaq.

Unamminerpassuit

Kredsmesterskabertitsinermi angutit inersimasut 33-it peqataapput. Unammiuaartitsisoqarneranilu U-13-nit amerlanerpaanut tulliusimapput 17-ninik ilaasoqarluni.

Naak kattuffiup maleruaqqusaani isumaqatigiissutini allaqqagaluartoq U-13-it GM-imi peqataasinnaanngitsut unammiuaartitsinerup aallartinnginnerani B-67 Nuuk aammalu Nagtoralik Paamiut U13-it kredsmesterskabini peqataatinneqarsinnaasut isumaqatigiissutigisimavaat.

Malik T. Petersen Nagtoralimmeersoq singlernermi pissartanngorpoq, iligiiaarnermilu Aqqaluk Frederiksen B-67-meersoq iligalugu pissartanngorlutik.

Piginnaanillik inernerat

Mixdoublemi Aqqaluk Frederiksen Emilie Sørensen B-67-meersut pissartanngorput.

Carsten Nitter Sørensen B-67-meersoq U-15-nini pingasoriaammik pissartanngorpoq. Mads Andersen double pissartanngoqatigalugu kiisalu mixdoublemi Nukaaka A. Hegelund Nagtoralimmeersoq pissartanngoqatigalugu.

Miinannguaq S. Petersen U-17-ninut angutitut peqataatinneqarpoq taakkualu marluinnarnik peqataasoqarput. Miinannguaq S. Petersenip Carsten Nitter Sørenseni ajorsartillugu pissartanngorpoq.

U-19 pissartanngorniutivinnertaat pissaganartumik ingerlanneqarsimavoq klubbeqatigiit Per la Cour Vahli Ernst Mario Dahlilu sæt-it pingajussaanni Per la Cour Vahli 21-19-mik ajugaalluni guldinnassutigaa. Taakkua double-mik iligiiaarnermi pissartanngorput.

GM-i pissaganassaaq

Ingersimasut naligeeqalutik naggatissaa tikillugu unammisaqattaarnerit ingerlassimavaat. Inersimasuni Jens-Frederik Nielsen marlunnik guldinnappoq, doublernermii Frederik Elsneri iligivaa.

Nikki E. Nathansen misilittagaqarluartorlu Michael Kleist doubernermi ajugaaffigaat. Mixdoublernermilu Frederik Elsner Susanne Wallbohmilu pissartanngorput.

Arnani inersimasumi Paninnguaq Davidsen B-67-meersoq kredsterinngorpoq, piginnaanillillu Milka Brønlund Nina Høegh Møllerilu doublernermi pissartanngorlutik.

- Ukioq tamaat sungiusarsimavugut. Aasap ingerlanerani ilaasortagut periarfississimavagut sapaatip akunneranut ataasiarlutik sungiusarnissaannut, ilaasortatsinnillu nuannarineqaqaaq. Sungiusartuarsimanerullu takutippaa maanna pikkorissunik unammisartuuteqarnerput, B-67-mi sulorartartuini siulittaasoq, Anni Damgaard oqarpoq.

Kalaallit Nunaanni pissartanngorniutivinnerit Nuummi aprilip 11-ni aallartinneqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER