urandebat
Jens-Erik Naalakkersuisuuginnassaaq
Siumumeersumut Jens-Erik Kirkegaardimut naalakkersuisutut tunuartinniarneqarnera iluatsinngilaq, taasinermilu naalakkersuisuuginnassasoq taaneqarluni
Annonce
Amerlanerussuteqartut taasineranni Inuussutissarsiornermut Aatsitassanullu naalakkersuisoq Jens-Erik Kirkegaard Siumumit Atassummillu naalakkersuisuuginnarnissaa taasissutigaat.
Tamanna Siumut Atassutillu Jens-Erik Kirkegaard tatigalugu taavaat, amerlanerussuteqarlutillu taasillutik.
Inuit Ataqatigiit Demokraatillu naalakkersuisumut tatiginnginnermik taasititsigaluarput, tassani eqqunngitsumik naalakkersuisoq paasissutissiisimanerarlugu. Naalakkersuisooqatigiilli uppisitseriaaneq taasinerminni itigartippaat.
Taasinermi 16-nit Jens-Erik Kirkegaardip naalakkersuisuuginnarnissaa qinerpaat, inatsisartullu 12-it uppisinneqarnissaa qinerlugu, ataaserlu taasinani. Inatsisatut nalunaaqutaq 17:45 missaani taasipput.