Jens B.: - Akiniaanissamik kissaateqanngilagut

Angut inuusuttoq meeqqat atuarfianni soraarummeernerisa nalaani Jens B. Frederiksenip panianut pinerluttoq, maanna innarlerneqarsimarpasippoq.

Tamannali taassuma paniata kissaatiginngeqaa, Jens B. Frederiksen Facebookimi naqissusiilluni allappoq.

- Tusarparput panitsinnut pinerlussimasoq inunnik arlariinnit ajortumik pineqartartoq. Ilaatigut immiaqqamik kuiffigitilluni, nilliaffigitittarlunilu. Allaat qimaasariaqarsimalluni ajortumik pitilersoraluni, allagarsiussami taama allassimasoqarpoq.

- Panitta angajoqqaajusungulli tamanna nuannarinngilarput, taanna allappoq.

Jens B. Frederiksenip suliaq politiinut unnerluutigisimallugu erseqqissaatigaa, politiilli qanoq pisoqarnissaa nammineq aalajangerumaaraat.

- Panippullu neriutigivarput inuit tamarmik paasissagaat inuiaat inuit inatsisitigut illersugaanerannik pingaartitsisuungatta, imanngitsoq inuit ataasiakkaat akiniaassasut.