Nuuk

Jazzertartut Danmarkimit Savalimmiuniillu Katuami tusarnaartitsissapput

Jazzimik nipilersornermik arlaleriarluni nersornaaserneqartarsimasoq qallunaaq Jacob Anderskov aamma savalimmiormiut Edvard Nyholm Debess Trio Nuummi tusarnaartitsissapput

Danmarkimi jazzernermut aqutsisuulluarnerpaatut toqqarneqartoq ukioq kingulleq tusarnaartitsissaaq.

Nersornaaserneqarsimasoq Jacob Anderskov Nuummi Katuami novembarip 20-ani tusarnaartitsissaaq.

- 2001-mi siullerpaamilli saqqummersitsigami nipilersortartuni aqutsisutut saqqummersitat 20-it pallillugit saqqummerseqataaffiginikuuai. Nipilersortartutut amerlasuunik nersornaaserneqartareerpoq aammalu tusagassiortuniit nunani tamalaaneersunit nersualaarneqartuartartuulluni.

Savalimmiormiut Edvard Nyholm Debess Trio aamma tusarnaartitsissapput. Tassani inuttaapput Edvard Nyholm Debess Trio består af Finnur Hansen, Edvard N. Debess aamma Rógvi á Rógvi.

Ima imminnut ilisaritipput:

- Erinnat tamarmik atorneqartussat Savalimmiormiutut taallaqarput, isumaqarpungalu kulturikkut tamanna tulluartuusoq. Nunani avannarlermiut imminnut paarlaasseqatigiinnermikkut paaseqatigiissinnaanerulernermullu aqqutaalluarsinnaasoq, naak oqaatsitigut toqqaannartumik paasisinnaanngikkaluarluta nipilersorneq aqqutigalugu paaseeqatigiinneq piulersarmat, tusagassiutinut nalunaarummi oqarput.

Hans Lyngep Inersuani tamarmik tusarnaartitsissapput.

Powered by Labrador CMS