Jarlovip Naalagaaffeqatigiinnerup nukittorsarneqarnissaanik siunnersuutaa Nuummi innuttaasunit tigulluarneqarpallaanngitsoq

Rasmus Jarlov (K) Nuummi Katuap Ikinngutigiinnermut inaa ulikkaarlugu inoqartumik oqallitsitsivoq. Takkussimasut amerlassusaattulli apeqquteqartoqartigisimavoq, tamannalu Danmarkimi politikkerimut tupaallaataasimanngilaq.

Rasmus Jarlovip aamma Det Konservative Folkepartiip Naalagaaffeqatigiinnerup nukittorsarneqarnissaanik siunnersuutaat pingasunngornermi ualikkut ikinngutigiinnerup inaani saqqummiunneqarmat tigulluarneqarpallaanngilaq.
Merete Lindstrøm Merete LindstrømRasmus Jarlovip aamma Det Konservative Folkepartiip Naalagaaffeqatigiinnerup nukittorsarneqarnissaanik siunnersuutaat pingasunngornermi ualikkut ikinngutigiinnerup inaani saqqummiunneqarmat tigulluarneqarpallaanngilaq. Anders Rytoft Merete Lindstrøm Merete LindstrømRasmus Jarlovip aamma Det Konservative Folkepartiip Naalagaaffeqatigiinnerup nukittorsarneqarnissaanik siunnersuutaat pingasunngornermi ualikkut ikinngutigiinnerup inaani saqqummiunneqarmat tigulluarneqarpallaanngilaq. Anders Rytoft

Inersuaq kiaqaaq. Partiip ilisarnaataa qorsummik taartumik qalipaatilik tunuani PowerPointikkut takuneqarsinnaasoq, takkussimasut Rasmus Jarlovimut (K) isornartunik apeqquteqaqattaarput.

Ataatsimiisitsineq nalunaaqutaq 16.30 aallartinneqarmat inersuaq ulikkaavissimavoq. Rasmus Jarlovip siunnersuutit arlallit, Naalagaaffeqatigiinnermik nukittorsaasussat siunissamilu naalagaaffeqatigiinnermik attassiuartussat saqqummiuppai.

Saqqummiussereermat inatsisartuni ilaaasortat pingasut takkussimasut isummatik saqqummiuppaat.

Anna Wangenheimip (D) oqaaseqarnini aallarnerlugu Det Konservative Partiip oqaloqatigiinnissamik suliniuteqarsimanera innuttaasunillu naapitseriarnera nersualaarpai, ajuusaarutiginerarluguli nutserisumik peqataatitsisoqannginnera.

Naalagaaffeqatigiinnerup siunissami ataavartumik attanneqarnissaanik kissaateqarneq isumaqatiginngilaa, siunnersuutilli ilai akuersaarnerullugit. Akuersaarnerusai tassaapput nammineq piumassutsimik sakkutuujusussaaneq pillugu aamma Kalaallit Nunaata Det Udenrigspolitiske Nævnimi sinniisoqartinneqarnissaanik siunnersuutit. Pitsaasutut aamma isigaa, Danmarks Radiop Kalaallit Nunaannik ukkataqarnerulersimanera, namminermi isumaa malillugu - tamatuma Kalaallit Nunaat pillugu isummat pigiliutiinnakkat atorunnaarseqataatissinnaavai.

Free associationimi?

Nikolaj Rosing (A) Anna Wangenheimimut akerliulluni ministeeriaqarfiliorniarnermut akuersaarneruvoq. Taassuma aamma ernumaginnginnerarpaa, Naalagaaffeqatigiinnerup siunissami attattuarneqarnissaanik Det Konservative Folkepartiip kissaateqarnera. Tamanna pillugu innuttaasunik qaqugu pinerpoq taasititsisoqarnissaa eqqarsaatiginerarlugu - taasitsinermilu inernerusut allanngortinneqassanngitsut oqaatigalugu.

Pele Brobergimut (N) aqqutissaq ataasinnaavoq. Tassalu namminersulivilluni Naalagaaffeqatigiinnermit aninissaq. Kalaallit Nunaat 100 precentimik oqartussaassuseqalissaaq, tamannalu anguneqassappat imaanngilaq suleqatigiinnerup ingerlateqqinneqarnissaa mattunneqassasoq, taassuma erseqqissaassutigaa.

Pele Brobergip oqaatigaa, free association pillugu isumaqatigiissusiorsinnaaneq siusinnerusukkut isumassarsiarisimallugu, tassungami atatillugu isumaqatigiissuteqarnikkut Kalaallit Nunaata naalagaaffittut oqartussaaffeqalernermigut assersuutigalugu eqartuussiveqarneq illersornissaqarfeqarnerlu suli suleqatigiiffiusinnaallutillu aningaasatigut tapiiffigineqarsinnaapput, taanna oqarpoq.

Rasmus Jarlovip tassunga akissuteqarluni erseqqissaassutigaa, Kalaallit Nunaata Naalagaaffeqatigiinnermut peqataajunnaarusunnini nammineq aalajangertussaagaa, Kalaallilli Nunaat naalagaaffeqatigiinnermit anissaguni ataatsimoortunik tapiissutisisarunnaassasoq oqaatigalugu.

Taassuma aamma oqaatigaa, innuttaasut eqqarsaatigisariaqaraat Naalagaaffeqatigiinnermut taarsiullugu Kalaallit Nunaat qanoq inissisimassanersoq.

Det Konservative Folkepartimit ilaatigut siunnersuutigineqarput:

  • Naalagaaffeqatigiinnermut namminerisamik ministeeriaqarfeqartoqassasoq.
  • Kalaallit namminneq piumassutsiminnik sakkutujusussaatitaassasut.
  • Danskit klassiini Kalaallit Nunaat pillugu isilisimasaqarnerulertoqassasoq.
  • Det Udenrigspolitiske Nævnimi kalaallit sinniisoqartassasut.
  • Danmarks Radio Kalaallit Nunaannik ukkataqarnerulissasoq.
  • Kalaallit Nunaanni ilitsersuiffissatut allaffeqassasoq, Naalagaaffeqatigiinneq pillugu innuttaasunut ilisimatitsissuteqartartussanik.
  • Paarlaasseqatigiinnerusoqartalissasoq - Danmarkimi aammali Kalaallit Nunaanni.

Politikkerit isummaminnik annissereermata, innuttaasut takkussimasut apeqquteqarnissamut periarfissinneqarput - tamannalu nipaattuinnarmik ingerlanneqanngilaq.

Men Rasmus Jarlovip ataatsimiisitsinissap aallartinnginnerani Sermitsiaq.AG-mut oqaatigaa, ullormi oqallitsitsinissaq suli aallartinneqanngitsoq siunnersuummut qisuariaatinik arlalinnik tigusaqarsimalluni.

- Qisuariaatigineqartut amerlanersaat akerliunermik nipeqarput, tamannali tupaallaatiginngilara. Kalaallit Nunaanni iluareqqusaarnissaq anguniagarinngilarput, taanna oqarpoq, qungujullunilu nangilluni oqaatigalugu:

- Isumaqarpugut Danmarkimi sorusunnerluta oqarsinnaatitaasariaqartugut, tassa Kalaallit Nunaanni sorusuttoqarnersoq kisiat tusarfigineqartarnissaanut sanilliullugu.

Uteqattaarisoqartoq

Assappassuit nappaatinneqarput. Danmarkimi kalaallit assigiinngissinneqarnerannit Kalaallit Nunaanni inatisisitigut ataataqanngitsut apeqqutigineqartunut ilaapput. Apeqqutilli marluk Rasmus Jarlov periusissaarutippaat.

Verner Hammeken, RAL-imi pisortaaneq oqaaseqartunut ilaavoq. Taassuma Rasmus Jarlovimut itisileqquaa, Kalaallit Nunaanni suna Jarlovip taamak nuannaritigineraa. Apeqqut qaqinneqarmat inersuarmi ersaattaattoqarpoq.

- Nuannarisap nassuiaasiornissaa eqqarsarnarpoq, Jarlov oqarpoq.

Ilaatigut eqqaavai pinngortitarsuup kusanassusaa, kalaallit kulturiannnik aamma Kalaallit Nunaata Danmarkillu akornanni ataqatigiinnerup ataqqineqarneri. Oqaatsini suli naanngikkai pisortaaneq itisiliilluni apeqquteqarpoq.

- Naalakkersuinermi suliassat suut anguneqarsinnaappat?

Rasmus Jarlov sivikitsumik oqaaseqanngikkallarpoq. Eqqarsarpaseriarluni akvoq, tamanna oqaatigereersimallugu.

- Tamanna naalakkersuinermi suliassat anguneqarsimanerannut akissutaanngilaq…

- Qanormi akissuteqassanersunga oqaatigeriaruk?

- Kalaallit Nunaat nunaammat kusanartorsuaq nuannarivat?

- Aap ilaatigut, Jarlov inerniliivoq.

- Taamaappammi angerlaannarutta ajunnginneruvoq, RAL-imi pisortaaneq akivoq.

Ikinngutigiit inaanni silaannaq pitsaavallaanngilaq. Hammeken issiaannarpoq, nutaanillu isornartortortalinnik apeqquteqaqqittoqarluni.

Siunnersuut naligiilersitsinngitsoq

Kiista Fencker (N) tusarnaartut akornanniittoq Danmarkip Kalaallillu Nunaata naligiinnerunissaanik Rasmus Jarlovip oqaaseqarsimanera pillugu apeqquteqarpoq. Siunnersuummi danskit kalaallit kulturiannik oqaasiinillu ilinniagaqarnissaat allassimanngimmat taamatut oqarsimanera tupigusuutiginerarlugu, akerlianimmi Kalaallit Nunaanni innuttaasut danskit kulturiannik oqaasiinillu ilinniagaqassasut siunnersuutigineqarmat.

Taamatut siunnersuuteqartoqarnera nassuerutigaa. Imminulli illersorluni oqaatigalugu, danskit kalaallisut ilinniartinneqarsinnaanerat piviusorsiortuunngitsoq.

- Apeqqut paasisinnaavara, kalaallisulli ilinniarneq nalunartupilussuuvoq.

Taamatut oqaaseqarnera aalassatsitsivoq. Arnaq tunorlerpaani issiasoq nipituumik oqarpoq, danskisut ilinniarneq aamma nalunartuusoq.

- Suna pigit paasisinnaavara, isumaqarpungali tamanna piviusorsiortuunngitsoq. Ajoraluartumik.

Alla apeqqutigineqartoq inersuarmi aamma aalassatsitsivoq, Qarsoq Høegh-Damip Rasmus Jarlovip Kalaallit Nunaata nunasiaataasimannginneranik oqaaseqarsimanera saqqummiummagu.

Tamanna nunasiaataanerup nassuiaataa pillugu oqallinnermik nassataqarpoq, tassa Kalaallit Nunaat nunasiaataasimanersoq imaluunniit nunasiaataasimannginnersoq pillugu Konservativet qanoq isumaqarnerat paasisaqarfigineqarani oqallittoqarpoq.

Sermitsiaq.AG-mit Rasmus Jarlov itisiliitillugu akissuteqartinniarneqarpoq.

Paasisaqarnerusimasoq

Oqallitsitsinermut piffissaliussaq qaangiuppoq. Rasmus Jarlovilu naggasiisussanngorluni, taamaattoq misigisimanerarpoq spiralilersuisimaneq Danmarkimi aamma oqallisaasimaqisoq oqaaseqarfigissallugu.

- Oqaatigiinnarusuppara, allatulli tamanna kamaatigisimaqalugu. Pisimasoq ajorluinnartuuvoq, neriuutigaaralu iternga tikillugu qulaajaasoqarumaartoq.

Taamalli ajornanngitsigisumik naggasiitinneqanngilaq.

Arnap ataatsip naggasiiniartoq akornguserlugu oqaatigaa, Rasmus Jarlovip Folketingimi oqaaseqarnermini, ajornartorsiut soqutaannginnerarsimagaa.

-Taamatut oqaaseqarsimanera ajorluinnarpoq, taanna oqarpoq.

Rasmus Jarlovip arnap isornartorsiuinera akuersaarpaat, oqaatigaluguli taamanikkut oqallittoqalernera aallartilaaginnarsimasoq. Tamatumalu kingornatigut suliamut atatillugu paasisaqarnerusimalluni oqaatigaa.

- Naggasiillung takkussimasut tamaasa qujaffigerusuppakka.

Powered by Labrador CMS