Skip to main content

Jamie Oliverip neriniartarfiutai akiliisinnaajunnaaratarsinnaasut

Tv-mi igasup aamma nerisassiornermut najoqqutassiortup Jamie Oliverip neriniartarfiuteqarfia ajornartorsiortoq allanit aqunneqalerpoq.

Igasup nunarsuarmi ilisarisimaneqarluartup Jamie Oliverip neriniartarfiuteqarfii akiliisinnaajunnaalerput.

Nutaarsiassaqartitsivik AP taama allaaserisaqarpoq.

Neriniartarfiit "Jamie's Italian" akiliisinnaajunnaarlutik nalunaaruteqarput, taakkulu ingerlatseqatigiiffimmit kukkunersiusartumit KPMG-mit aqunneqalerput.

Neriniartarfiuteqarfimmi aningaasaqarneq iluarsineqarsinnaanngippat, neriniartarfinni 23-ni suliffeqarfiit 1300-t tikillugit ulorianartorsiortinneqarput.

- Taamatut kinguneqarnera ajuusaarutigisorujussuuara, Jamie Oliver, AP-p ilanngutassiaa naapertorlugu taama oqarpoq.

Tamatuma peqatigisaanik sulisunut aamma neriniartarfeqarfiup pisiortorfigisartagaanut ’’anersaaminnik uummatiminnillu’’ neriniartarfinnut ukiut qulit sinnerlugit tunniusimanerannut qujassuteqarpoq.

Pisoq artornartoq

- Pisoq tamanut artornartorujussuusoq nassuerutigaara, taanna oqarpoq.

Jamie Oliverip neriniartarfiutai siornatigut akiliisinnaajunnaangajannikuupput.

Kisianni manna tikillugu tamanna pinngitsoortinneqartarsimavoq, tv-mi igasoq aamma nerisassiornermut najoqqutassiortartoq aningaasatigut ikiuigasuartarmat.

43-nik ukiulik Jamie Oliver igasutut 1999-imili aallakaatitassiaq "The Naked Chief" tuluit tv-anni BBC-mi aallartimmat tusaamaneqalerpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER