Jakob Larsenip nunanut allanut unammisartunut sungiusaasunngornissaa kissaatigaara

- Uanga nammineerlunga neriuutigaara Jakob Larsen nunanut allanut unammisartunut sungiusaasunngussasoq.

Kalaaleq assamik arsaalluni nunanut allanut unammisartoq, Minik Dahl Høegh, Niels Møllerip ukiuni arfineq-pingasuni nunanut allanut unammisartunut sungiusaasooreerluni tunuarnera pillugu nutaarsiassarineqareernerata kingorna, Sermitsiaq.AG-mut oqarpoq.

Niels Møllerilu ukiuni arfinga-pingasuni pitsaasumik ingerlatsisimanera, Minik Dahl Høeghip oqaatigaa.

- Unammisartut sinnerlugit taassuma suliaanut angusaanullu qujassuteqarfigerusuppara. Tupaallatitsilluni Argentinamut ajugaaneq puiorneqassanngilaq, taanna oqarpoq.

Atuaruk: Assammik arsaattartunut nunanut allanut sungiusaasoq ingerlaannaq atuutilertumik tunuarpoq

To scenarier

Taamaattoq ajusaarutigalugu oqaatigaa, siusinnerusukkut aalajangiisoqarsimanngimmat.

- Assersuutigalugu oktoberip qaammataanni nunanut allanut unammisartuusugut katersorneqarpugut, tassanilu nunanut allanut unammisartunut sungiusaasortaap isumassarsiani uagutsinnut saqqummiussimasinnaangaluarpai, nunanut allanut unammisartuni malunnaatilik oqarpoq.

Minik Dahl Høeghip nunanut allanut unammisartut ineriartortinneqarnissaanut periarfissat marluk takusinnaavai.

- Kingusissukkut taamatut aalajangerup kingunerisinnaavaa Pan Amerikanske Mesterskabinut piareersaatigut killeqarnissaat. Illuatungaanilu nunanut allanut unammisartut nukinnik nutaanik ilassuteqarfigineqarsinnaallutik. Taamaammaat kina sungiusaasunngussanersoq apeqqutaalluinnarpoq, taanna oqarpoq.

Taamaammat neriuutigaa, kalaallit nunanut allanut unammisartuinut nutaanik isumassarsiorsinnaasumik pissarsiumaarnerat.

- Sungiusaasumik isumassarsiorsinnaasumik ataqqineqartumillu sungiusaasortaarnissarput kissaatigaara. Neriuutigaaralu sungiusaasoq illersuinermik saassussinermillu misilittagaqarumaartoq, Minik Dahl Høegh akivoq.

Taamaammaat Jakob Larsenip nunanut allanut unammisartunut sungiusaasunngortinneqassangaluarpat, taassuma nuannaarutigissaqaa.

- Nuummi Pan Amerikanske Mesterskabit ingerlanneqarnerini kalaallimik sungiusaasoqartuugutta, sinnattoq piviusunngussangaluarpoq. Jakob Larseni GOG-mi sungiusaasorisimavara, angusarissaartarsimaqaagulli. Kisianni nunanut allanut unammisartunut sungiusaasunngorsinnaasut amerlaqaat, sungiusaasulli pitsaanerpaat pissarsiariniarneri ajornakusoortarput, taanna erseqqissaavoq.

KNAAK-p aalajangingassaa, kisiannili...

Nunanut allanut unammisartunut sungiusaasumik toqqaasoqannginnerani, nunanut allanut unammisartuusut tusaaneqarniarnissaat, Minik Dahl Høeghip neriuutigaa.

- Sungiusaasunngortussarlu kinaassanersoq KNAAK-p aalajangertussaavoq. Toqqaasoqannginneranilu ligani unammisartuusugut tusaaneqassagutta nuannissaqaaq, nunanut allanut unammisartuni nuimasoq oqarpoq.

Paasisaqarusuttoq

Minik Dahl Høeghillu neriuutigilluinnarpaa, Pan Amerikanske Mesterskabit nunatsinni ingerlanneqarumaartut.

- Pissartanngorniunnerit Nuummi ingerlanneqassanersut, paaserusupparput. Tassanngaanniillu nukigut VM-imut anngunniunnernut 100 procentimik atuiffigilissangaluarpagut. Piaarnerpaamik nassuiaasoqaraluarpat, unamisartuusugut oqiliallaatigissangaluaqaarput, Minik Dahl Høegh oqarpoq.

Taanna maannakkut korsbåndimigut aqqunaqqavoq, iluarsiartorporli. Januarillu qaammataani assammik arsaattarfimmi unammeqataasaleqqinnissani naatsorsuutigaa.