Jakob Berthels: Inuusuttut suliffeqarfimmik ingerlatitseqqiinissaminnut periarfissaqartariaqarput
Aningaasalli nalorninartunut atugassat atorlugit kinguaariit nikinneranni taamaatinnermut akileraartinneqarnissamik siunnersuut atorlugu piginnittuusimasoq aningaasanut suli pissarsiarisimanngisaminut akileraartinneqassaaq. Taamaaliornikkut ”kalaallinut inuusuttunut” kinguaariit nikinnissaat pinngitsoortinneqassaaq, Nuummi niuertoq naliliivoq.
- Siunissami inuusuttut suliffeqarfimmik tigusinissaat ajornakusoorluinnalersinnaavoq taamaatinnermut akileraartinneqarnermik taaneqartartoq nutaaq piviusunngortinneqassappat. Taamaaliornikkut suliffeqarfioreersoq kinguaariit tulliinut ingerlateqqinneqarsinnaanngilaq, tuniniaasussaq akileraarteqqinneqassappat pigisanut ukiut ingerlaneranni ileqqaarneqarsimasunut taamaalillutillu suliffeqarfimmi ataasiarlutik akileraarfioreersimasunut, Jakob Berthels 70-ileeqqammersoq nassuiaavoq.
Septembarip aallaqqaataani kinguaariit nikinnerannik ingerlatsivoq, Nuka din Tøjmand Butik Viannemit ingerlanneqalerluni.
Aviisi Sermitsiaq allappoq.
Piginnittunngortup suliffeqarfimmi ingerlatat pigilerpai aningaasat taamatut niuernerni allani amerlasuut atorlugit, taamaattorli akileraarutit nutaat siunnersuutigineqartut ikittut atorlugit, kiisalu toqqorsivimmiittut maanna pineqartup naafferartumik akilersuligassai ingerlatarilerlugit. Jakob Berthels maanna ingerlatseqatigiiffimminik matusisinnaavoq, maleruagassalli nutaat peqqutigalugit nalilinnut matusaminut akileraartussanngussaaq, inatsit nutaaq akuerineqassappat.
Akileraarut nutaaq annertunerungaatsiassaaq sulianut toqqorsivimmiittunullu pissarsiaanit.
Aviisimi Sermitsiami atuarnerusinnaavutit. Aviisi uani pissarsiariuk: