Paamiut
Ivigaasaaqqanik arsaattarfik nutaaq atoqqaarfissiorneqartoq
Paamiut maanna mikinerusumik anginerusumillu ivigaaraasanik arsaattarfeqalerpoq
Paamiuni arsaattarfittaap anginerup ammarneqarnerani maanna ivigaaraasalinnik arsaattarfiit marlunngorput – arsaattarfik mikineq aamma angineq. Sisamanngornerup ualigaa ammaanersiornermut innuttaasut arlaqartut katersuussimapput, Kommuneqarfik Sermersooq ilisimatitsivoq.
Atuaruk: Qeqertarsuarmi arsaattarfissaq kinguaattoortoq
Ammaanersiornermi oqalugiarneq
Kommunalbestyrelsimut ilaasortaq, Tim Serritzlev, ammaanersiornermi oqalugiarpoq qilerullu aappalaartoq arsaattartuusimasorlu misilittagalik, Peter Josefsen, peqatigalugu qiorlugu.
Ammaanersiornermi Arctic Winter Gamesip ilisarnaataa Kuluk peqataavoq, tassanilu imminut isumassarsisoq, Stella Josefsen, naapillugu. Stella 2016-imi Arctic Winter Gamesip ilisarnaatissaata ilusilersornissaanut unammisitsinermi ajugaasuuvoq.
Atuaruk: Ilulissat qallikkamik ivigaaraasanik arsaattarfittaassaaq
Ilisimaneqartoq
Kuluk alla – Kuluk Hermansen – kalaallit nunanut allanut unammisartuisut ilisimaneqartoq ammaanersiornermi peqataavoq.
Qilerutip aappalaartup qiorneqarnerata kingorna, isikkamik arsaattartoqatigiit Nagtoralik siulliullutik arsaattarfittaami arsaqqaartuupput.