Skip to main content

Ittoqqortoormiit umimmannik toqoraaveqassaaq

Naleraq sinnerlugu Inatsisartuni ilaasortap Mette Arqe-Hammekenip paaserusussimavaa, Ittoqqortoormiini tunitsivik ukiorpassuarni atorneqarsimanngittoq suneqarniarnersoq.

Mette Arqe-Hammekenip (N) paragraf 37 naapertorlugu apeqquteqarnermini paaserusussimavaa, Ittoqqortoorminni tunitsivik qanoq pilersaaruteqarfigineqarnersoq.

Paaserusussimavaa, tunitsivimmut kina akisussaasuunersoq aamma tunitsivik ammaqqinneqassapat sulisunik piginnaasalinnik sulisoqarnissamut pilersaaruteqartoqarnersoq.

Nunalerinermut, Imminut Pilersornermut, Nukissiutinut Avatangiisinullu Naalakkersuisup Kalistat Lundip akissuteqarnermini ilisimatitsissutigaa, RoyaL Greenland tunitsivimmik piginnittuusoq aamma Sermersooq Businessimut illu atukkiunneqarsimasoq, taamalu taanna tunitsivimmut akisussaalersimasoq.

Kommunimit aamma ilisimatitsissutigineqarpoq, illu nersutinik toqoraavittut ilusiligaasoq, tamatumunngalu atatillugu amigaataasinnaasut naammassineqarnissaat aammalu 2020-p aallartinnerani umimmannik tunisisarnerup aallartinneqarnissaat siunertaralugu suliassamut nassuiaasiortoqarsimasoq.

Corona pissutaalluni sulia unitsinneqarsimasoq

Suliassarli suli aallartineqarsimanngilaq, "corona pissutaalluni unitsinneqarsimagami", akissuteqaammi nassuiaatigineqarpoq.

Kommunimit naatsorsuutigineqarpoq, 2021-mi ukiakkut inaarsaanerit aallarteqqinneqassasut.

- Tamatumunnga atatillugu, ilaatigut najukkami eqqiluisaarnermut tunisassiortutullu pingaarnertut inissisimanermut pikkorissartitsinerit aqqutigalugit piginnaasalinnik ineriartortitsinerit aallunneqassapput.

Kommunimit neriuutigineqarpoq, siunissami sullissisumik namminersortumik, suliamik ingerlatitseqqinnissamik kissaateqartumik nassaartoqarsinnaassasoq.

Puisit amiinik tunisaqarnissamut periarfinneqarnissaq

Mette Arqe-Hammekenip Sermitisaq:AG-mut ilisimatitsissutigaa, 2019-imili illoqarfimmit puisit amiinik tunisaqartoqarsinnaasimanngitsoq. Namminersortunut puisit amiinik tunisaqartoqarnerartarpaa, namminersortulli qerititsiviutaat ulikkaaraangata tunisineq unitsinneqartarmat, taakku ingerlatsinerat patajaattuunnginerarpaa. 

Tunisaqartarneq ukiuuneranili unitsinneqarpoq, maannalu ukioq manna umiarsuup siulliup tikinissaa utaqqineqarpoq.

- Ukiumut marloriaannaq umiarsuaqartarpugut, siulleq Augustimi aatsaat tikissaaq, aatsaallu taamanikkut puisip amii ingerlaffissaminnut nassiunneqarsinnaallutik, Mette Arge-Hammeken ilisimatitsivoq.

Inatsisartuni politikkeri taamaammat isumaqarpoq, illoqarfimmi piniartut amerlanerusunik periarfissaqartinniarlugit tunitsiviup ammaqqinneqarnissaa pingaaruteqartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER