Ittoqqortoormiini ujaasineq politiit taamaatikkaat
Angut martsip 14-anili tammaaneqartup ujaarineqarnera Kalaallit Nunaanni Politiit taamaatillugu nalunaaruteqarput.
Ittoqqortoormiit kitaa-tungaani piniariartilluni angut ipisimassasoq ilisimagineqarpoq. Angut inuusuttoq ulluni sisamani ujaarineqareersorlu, ullumi sapaammi martsip 17-ani ujaasineq taamaatinneqarpoq.
Kalaallit Nunaanni Politiit tusagassiutinut taama nalunaaruteqarput.
Ujaasineq
Ujaasinermi qulimiguulik Air Greenlandimeersoq attartorneqarpoq, politiit ujaasillutik innuttaasullu kajumissutsiminnik ujaaseqataallutik. Innuttaasut kajumissutsiminnik ujaasisut umiatsiamik qamuteralammillu imgerlaarlutik ujaasisimapput.
- Angutip tammaaneqartup ujarneqarnerani innuttaasut peqataasut Kalaallit Nunaanni Politiiniit qutsavigerusuppagut, Kalaallit Nunaanni Politiit allapput.
Ittoqqortoormiit kitaa-tungaani sumiiffik isorartooq ujaasiffigineqarsimavoq, pingaartumik sikup sinaa imartallu ammaannartut. Angutilli inuusuttup tammarnerata kingorna anorlertarsimavoq, imaq sarfarilluni sikoqqissimalluni.
– Ujaasineq ajuusaarnaraluartumik taamaatinneqartariaqaepoq angutip tammaaneqartup nassaarineqarsinnaasimannginnera pissutigalugu, politiillu naliliimmata angutip imaani nassaarineqarsinnaanissaa ilimanarunnaartoq, Kalaallit Nunaanni Politiit tusagassiutinut nalunaaruteqarput.
Ilaqutaasut kalerrinneqarsimasut, politiit ilisimatitsipput.