Ittoqqortoormiini nunami stationi nutaaq
Qaammataasakkut aallakaatitanut tigooqqakkanullu stationip nutaap Tunumi illoqarfimmi internettimut attavik pitsaanerulersissavaa.
Tele-Postip aasaanerani illoqarfimmi qaammataasakkoortumik stationimik nutaamik pilersitsinerata kingorna, Ittoqqortoormiini innuttaasut ukiap ingerlanerani internettimut oqarasuaatinullu attaviit pitsaanerusut qilanaarutigisinnaavaat, aviisi Sermitsiaq allappoq.
– Periusissiatut pilersaarutitsinni illoqarfinni immap naqqatigut kabeleqanngitsunut internettimut attaviup pitsanngorsarnissaa anguniakkatta ilagaat. Siorna Tasiilami nunami stationimik nutaamik pilersitsivugut, ukioq mannalu Ittoqqortoormiini pilersitsisoqarpoq, Kim Hammond Zinck, ingerlaartitsinermut immikkoortortami pisortaq oqaluttuarpoq. Tele-Postimi immikkoortortaqarfiuvoq, sakkortusaaviit, qaammataasanut immap naqqatigullu kabelinut atortut ajoquteqannginnissaannut akisussaaffeqartoq.
Pilersaarusiornissaq pisariaqarpoq
Qaammataasakkoortunik nunami stationimik pilersitsineq suliaq annertoorujussuuvoq – ingammik illoqarfimmi Ittoqqortoormiini, qisuerniarfimmut pisiniarfigeriaannaanngitsumi.
– Sulineq pilersaarusiornissamik pisariaqartitsingaatsiarfiuvoq. Ittoqqortoormiit arlaqanngitsunik umiarsuarmit tikinneqartarpoq, taamaammat sulineq pilersaarusioqqissaarneqartariaqarpoq. Qujanartumik ukiorpassuarni misilittagaqarfigaarput, taamaammat qanoq iliornissaq nalunngilarput. Sanaartornerullu ingerlanera aamma ajornartorsiuteqanngitsumik ingerlavoq.
Allaaserisaq tamaat uani Sermitsiami pisiarisinnaasanni atuaruk: