Ittoqqortoormiini anorersuarujussuartoq
Kommuneqarfik Sermersuup atuarfik, meeqqeriviit kommunillu allaffia ullumi tallimanngornermi matoqqatippai.
Ittoqqortoormiit ulluni tulliuttuni anorersuarujussuassaaq.
Illoqarfiit pingaarnersaata kommunia aalajangerpoq atuarfik, meeqqeriviit kommunillu allaffia ullumi tallimanngornermi matoqqatissallugit.
- Tunumi anorersuarujussuartoqartillugu iliuuserisartakkagut malillugit iliuuseqarpugut, Kommuneqarfik Sermersuumi attaveqatigiinnermik immikkoortortaqarfik ilisimatitsivoq.
Dmi.dk naapertorlugu Ittoqqortoormiini maanna 28 m/s-imik anorlerpoq. Anori sakkortunerpaaffissaminiilissaaq sapaatip unnuaani, 36 m/s qaangerlugu anorersuassagami.
Ataasinngornermi anorikilliimiartulissaaq.
Anorersuarneranit aseruatitertoqarsimaneranik maannamut suli tusagaqartoqanngilaq.
Ittoqqortoormiini innuttaasut 350-it missaanniipput.