Sisimiuni 1930-kkunni assilisat ullumikkulli assilisat saqqummersinneqalerput.

Tamanna Sisimiut Katersugaasiviani saqqummersitsinikkut pissaaq.

Saqqummersitsinermi taamanikkut ilisarisimaneqarluartoq amerikamiu assigiinngitsunik eqqumiitsuliortartuutigaluni atuakkiortoq Sisimiunut 1932-mi tikeraarnera. Kent qaammatip missaa tassaniissimavoq, tassaniinnerminilu illoqarfik innuttaasuilu assilisaartarsimavai. Taakkuli assilisat Sisimiut Katersugaasiviani immikkut saqqummersinneqartussat alakkarneqarsinnaapput.

Sisimiut 2016-mi assiliisartumik allamik amerikamiumik Denis Defibaughimit tikeraartoqarpoq. Defibaughip Kentip assiliiffigisarsimasaani assiliisimavoq, 1930-kkulli kingorna illoqarfiup ineriartorsimanera malunnaqimmat allanik nutaanik aamma assiliisimavoq.

Kentip Defibaughillu assilisaat katersugaasivimmi akileriisillugit saqqummersinneqassapput. Najukkamilu atuartut saqqummersitsinermi ilaatigut takutinniarneqarput.

Itsarnisat nutaallu Kentip Defibaughillu suliarisimasaannit immikkoorutaapput, eqqarsaataalli aamma assingiissuteqarput. Kenti avataaniit ilummut isiginiartuuvoq, minnerunngitsumilli alutoreqisani Kalaallit Nunaat inuiaqatigiivilu immikkut isiginiartuullugit. Defibaughi illup illuaniittuuvoq, illulli saqqaaniikkaluarluni Sisimiut 2016-kkunni avataaniit isiginiartuuvaa.

- Allat isaannit imminut takulluni eqeersaataasinnaavoq, ilequlli malillugit 'qaavaniit' 'tassungalu' Kalaallit Nunaannut isiginnittariaaseq saqqummersitsinermi akerlilerniarparput, katersugaasiviup aqutsisua Christine Løventoft oqarpoq.

Sisimiuni atuartut assilisaarnerisigut,  illoqarfimmi qanoq inooriaaseqartoqarnersoq najugartuni takuarput. Atuartut inooriaasertik, takorluukkatik illoqarfitsillu pillugit takusassiamik suliaqassasut suliakkerneqarsimapput.

Atuartunut assiliinermik workshopertinneqarnerat Defibaughip Ilisimatusarfimmilu lektorip Jette Rygaardip 2016-p ukiaanerani aaqqissugaraat.

Saqqummersitsineq Sisimiuni Katersugaasiviup suliniutillu Rockwell Kent 1930-kkunni Kalaallit Nunaanni, suleqatigiinnerisigut piviusunngortinneqarpoq. Suliniut National Science Foundationip USA-minngaanneersumit aningaasaliiffigineqarpoq.