Italiami Kalaallit Nunaat sammineqartoq

Italiami tv-kkut aallakaatitsisarfik "Rai tre", Tasiilami akunnittarfiutilimmik Robert Peronik qaammatit marluk ingerlaneranni sapaatit akunnerini tamaasa toqqaannartumik apersortarlugu aallakaatitsisarsimavoq.

Robert Peroni Robert Peroni Robert Peroni Robert Peroni Robert Peroni Robert Peroni

Italiamiut soqutiginnittut Kalaallit Nunaanni politikkimik, nunap Covid-19-imik isumaginninneranik, aatsitassanut tunngasunik, innuttaasut ulluinnarni inuunerannik, Tasiilami nannunik aamma kulturimut pinngortitamullu tunngasunik paasisaqarnissamut qaammatini marlunni periarfissinneqarsimapput.

Italiami tv-kkut aallakaatitsisarfik "Rai Tre" akunnittarfiutilimmik Robert Peronimik oqaloqateqartarnermigut Tasiilamik sammisaqarsimavoq.

Robert Peroni naapertorlugu, isiginnaartartut millionit sinnerlugit amerlassusillit sisamanngornerit tamaasa aallakaatitassiaq "Che Succede" (susoqarpa) unnukkut nalunaaquttap akunnerani ataatsimi Geppi Cucciari saqqummiussisoralugu aallakaatinneqaraangat isiginnaartarsimapput.

- Kalaallit Nunaanni maani inuit qungujallutillu inussiarnersut ilisaritinneqarnerannut peqataasinnaanera nuannaarutigeqaara, Robert Peroni oqarpoq.

Robert Peronip ulluinnarni, “Utiili Aappalaartoq”, Tasiilami akunnittarfik aappaluttoq ingerlataraa. Ukiut 40-t sinnerlugit Kalaallit Nunaannut attuumassuteqarsimavoq, ukiunilu 23-ni akunnittarfik aappaluttoq ingerlatarisimallugu.

Robert Peronip oqaatigaa aallakaatitassiaq iluatsilluarneqarsimasoq, siullerpaamillu aallakaatinneqarmalli immikkut eqqumaffigineqarluartarsimasoq.

- Nalunaaquttap akunnerata ataatsip ingerlanerinnaani inunnit aallakaatitamik takunnissimasunit 2500-t sinnerlugit amerlassusilinnit saaffigineqarsimavunga, Robert Peroni Kalaallit Nunaat pillugu nuannersumik nunarsuup sinneranut takutitsisinnaanerminik nuannaaruteqartoq oqaluttuarpoq.

Powered by Labrador CMS