Skip to main content

IT pillugu suliniut akisunerujussuullunilu kinguaattoorutigineqartoq

Pisortat ataatsimut aningaasaqarnermut aqutsissutitaavat nuaaq naatsorsuutigisamit akileraartartunut millionerpassuit nalinginik akisunerujussuussaaq. Akiligassaq tamakkerlugu 100 millioner koruuningajalluinnarnik naleqassasoq naatsorsuutigineqarpoq

ERP pillugu suliniut, Namminersorlutik Oqartussat kommunillu suleqatigiissutigisaat, 2020-p naanerani tamakkiisumik atorneqalernissaanut immikkut 14 millioner koruuninik aningaasaliiffigineqassaaq. Suliniutip naammassineqarnissaanut piffissaliussaq arlaleriarluni allanngortinneqarsimavoq, maannalu ukiumik ataatsimik kinguarteqqinneqarluni.

Akiligassat katillugit

Suliniut akileraartartunut 83 millioner koruuningajalluinnarnik  akeqareersimavoq, akiligassarlu tamarmiusoq 97 millioner koruuningajalluinnarnik naleqassasoq naatsorsuutigineqarluni.

ERP pillugu suiniummut Namminersorlutik Oqartussat 58 millioner koruninngajalluinnarnik maannamut akiliuteqarsimapput, kommunillu 25 millioner koruuninik akiliuteqarsimallutik.

Aningaasaqarnermut Naalakkersuisoq Vittus Qujaukitsoq, 2020-mut aningaasanut inatsisissatut siunnersuummik nutaamik tallimanngormat saqqummiussivoq, tassani takuneqarsinnaavoq, Aningaasanut inatsi suliniummut syv millioner koruuninik akiliuteqaqqissasoq, kommunit sinneruttut syv millioner koruunit akilissavaat. Syv millioner koruunit, kommunit akiligassaat, ataatsimoortumik tapiissutit ikilisinneqarnerisigut pissarsiarineqassapput.

Kommunit akiliuteqassasut

Assersuutigalugu Kommuneqarfik Sermersooq, tallimanngormat missingersuummut tunngatillugu isumaqatigiissuteqartoq, 80 milloner koruuninik suli tigoriaannaateqarusukkuni 2,5 millioner koruunit sinnerlugit nalingannik sipaarfiusinnaasunik nassaassarsiortariaqarpoq.

Akiligassat syv millioner koruuniusut kommuninut imatut agguaanneqarput:

Kommune Kujalleq: -896.000 kr.

Kommuneqarfik Sermersooq: -2.586.000 kr.

Qeqqata Kommunia: -1.215.000 kr.

Avannaata Kommunia: -1.380.000 kr.

Kommune Qeqertalik: -923.000 kr.

Suliniut 2016-imi suliarinnittussarsiuunneqarpoq, 2016-imilu aasakkut suliaralugu aallartinneqarluni.

Vittus Qujaukitsoq 2020-mut aningaasanut inatsisissatut siunnersuutip allannguutaani allappoq:

Pilersaarummik allanngortitsineq

- Ajoraluartumilli sulisoqarnissaanut pilersaarut arlaleriarlugu allanngortittariaqarsimavoq, tassami Pisariillisaanermik suliap aallartinniarnera Kommuneqarfik Sermersuumi ajomartorsiutaasimavoq, kommuniuvorlu taanna atortumik siulliulluni ullormi 1. januar 20 l8-imi atuilersoq. Tamanna tunngavigalugu Pisariillisaanerup piviusunngortinniarneranut malitassaq kommunini allani aamma Namminersorlutik Oqartussani allanngortittariaqarsimavoq. Aamma Pisariillisaanerup nittarsaannerani atortup Akileraartamermut Aqutsisoqarfimmit atorneqalernerani atorsinnaassusaa pisariaqartinneqartoq annertunerusimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER