Skip to main content

IT-mi isumannaallisaaneq Telemi pingaartinneqarpoq

Ajutoornernut aamma akornusersorneqarniarnernut ajortiasuunerup annertusinera nassuerutigalugu Tele-Postip isumannaallisaanerup nukittorsartuarnissaa ukkataraa.

Nalunaarasuartaatikkut atassuteqarnerup pisariaqartinneqarneruleriartornerani, aamma ajortumik eqqarsarluni akornusiiniarnernut ajortiassuseq annertusiartorpoq.

Tele-Postip pisortaanerata Kristian Reinert Davidsenip maanna imaatigut kabelip ajortinnera, taamatut ajortianermut assersuutitut nammineq tikkuarpaa.

- Tele-Postimi isumannaallisaalluta qaffasissutsinik arlalinnik suliaqarpugut. Siullermik atortugut, soorlu imaatigut kabeli, sapinngisamik pitsaanerpaamik isumannaatsuutinnissaat qulakkeertarparput. Aqqutissat arlaliunissaat qulakkeerniarlugu ujartortarneranut isumannaallisaanerup ilagaa. Kalaallit Nunaata nunarsuup sinneranut attavilerneqarnerani, imaatigut kabelinik marlunnik ikkussisoqarmat tamanna aamma siumut isigaluni suliarineqarsimavoq, Kristian Reinert Davidsen oqarpoq.

Kujataani kittorartoortoqarnerani kingulliup taakkartorneqartup naleqarnini takutippaa. Tassani piffissap sivikitsup ingerlanerani attaveqarneq Islandikkoortillugu nuunneqarpoq, taamaalillunilu atuisut kittorartoornermik malugisaqarunnaarput.

Imaatigut kabelip kittorarnera ajutoornerup kinguneranik pinerusarpoq.

Sulisut ilinniartinneqarneri

Akornusiiniarsarinerit atortunut elektroniskiusunut samminerusarput. Kilitsissiatut sulinikkut imaluunniit aseruiniarluni internetikkut akornusiinerusinnaalluni.

- Sulisugut mianersoqqissaarnissaannik aamma susassaqanngitsunit e-mailitigut assigisaanilluunniit atortutsinnut isissutissarsillutik atornerlunneqannginnissaannut ilinniartittarpagut, Kristian Reinert Davidsen oqarpoq.

LÆS OGSÅ: Internetikkut akornusiinerup nuna unittoortissinnaavaa     

Internetikkut akornusiiniartartut, qarasaasianut isissutissarsisartut imaluunniit virusinik nassiussuisartutut qarasaasianut pikkorilluinnartutut takorloorneqartarput. Ullumikkut pinerlunniaqatigiit aamma pineqartarput, naalagaaffiillu isertortumik paasiniaasarfeqartut qarasaasianut isissutissarsisarput.

- Tamatuma saniatigut susassaqanngitsut atortorissaarutitsinnut pingaarutilinnut isersinnaannginnissaat qulakkeertarparput, Tele-Postimi pisortaq oqarpoq.

Isumannaallisaaneq nutarterneqartuartoq

It-mi isumannaallisaanerup nukittorsarneqarnissaa Tele-Postip maanna periusissaani atuuttumi allanneqarsimavoq, tassani ilusilersuinermi, attaveqaatini nutarterinermi aamma taarsiilluni aalajangernerni pingaartinneqartassalluni.

Tamatumunnga atatillugu suliffeqarfik nunanit allanit ilisimasanit pissarsisarpoq, isumannaallisaanerup ineriartorneranut malinnaanissaq qulakkeerniarlugu.

- Isumannaallisaanerput nutartertuarniarlugu ilisimasalinnik suleqateqarpugut.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER