Skip to main content

Isummat kulturillu tamaasa inissaqartinnissaat pingaaruteqarpoq

Socialassistentinngortussat ilinniarneq aallartittarpaat ataatsimut naleqassutsinik pilersitsillutik. Ilinniartitsisuisa Sikkersoq Mathæussenip ullut tamaasa ulloq aallartittarpaa ilinniartut ataasiakkaat qanoq innerat qulaajarlugu. Tassuma pingaaruteqarpoq inuttut piginnaassutsiminnik ineriartortitsinissaat.

Ilulissani Perorsaanermik Ilinniarfimmi, SPS-imi, ilinniagaqartut inuttut ineriartorneranni Kalaallit Inuunerannik Oqaluttuat ilaasimapput.

Aviisi Sermitsiaq taama allappoq.

Piareersaataasumik ingerlatsereersut, ilaatigut ataatsimut naleqassutsinik pilersitsinermik suliaqarlutillu inuunermik oqaluttuat oqaluuserereeraat, tusagassiortunit Iben Danielsenimit Annelise Mølvigimillu Kalaallit Inuunerannik Oqaluttuanut namminneq podcastimi pisunik sananissaannik ilinniartippaat.

- Uagutsinnut ersarissorujussuusimavoq klassi malittarisassanik tunineqarsimanngitsoq, namminnerli kulturimik pilersitsisimasut, kikkut tamarmik peqataaffigisinnaasaannik, Iben Danielsen oqarpoq nangillunilu:

- Tamarmik piffissaq eqqorlugu takkuttarput, ikiuiumatoorujussuuppullu. Uagut ikiorlutalu imminnut ikioqatigiittarput, oqaatsillu paatsoornernik pilersitsigaangata illarrattartorsuuvugut.

Socialassistentitut ilinniagaqarneq qaammatinik qulingiluanik sivisussuseqarpoq, ilinniagaqartullu 24-it sinerissamit tamarmeersuupput, tassa Ilulissaniinnaq socialassistentitut ilinniartoqarsinnaammat.


- Ataatsimut naleqassutsinik pilersitsinissamut piffissarujussuaq atortaratsigu ileqqorissaarnermik, oqaatsinik, kulturinik ileqqunilluunniit ajornartorsiuteqarneq ajorpugut, Sikkersoq Mathæussen oqarpoq, taannalu tamarmik Sikkimik taasarpaat.

Qanoq ippit

Taassuma ullaat tamaasa ilinniartut ataasiakkaarlugit aperisarpai skala 1-imiit 10-mut nalilerlugu qanoq iluarusutsiginersut.

- Angerlarsersinnaapput, imaluunniit allaqarsinnaavoq ilinniartut ilinniarnerannik sunniisinnaasunik, taanna oqarpoq, nassuiaavorli tamanna atuartitsinermut pingaaruteqaannanngitsoq, aammattaarli klassimi allanik suleqateqarnermut pingaaruteqartoq.

Aviisimi Sermitsiami atuarnerusinnaavutit. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER