Isummamik allannguineq: Naalakkersuisut immikkut ittumik qernertanik qilalugartassiisut

Aalisarnermut Piniarnermullu Naalakkersuisup Jens Immanuelsenip (S) qilalukkanik qertarnik immikkut ittumik pisasseeqqinnissaq itigartitsissutigisarsimavaa.

Politikkikkulli kimigiiserneqareerluni isummani allanngortippaa immikkullu ittumik qernertanik qilalugartassiilluni.

Pisassiissutit tamaasa ataatsimut isigissagaanni, ukioq manna qilalukkanut qernertanut pisassiissutit 48-nik ilaneqarput.

IA, Partii Naleraq, Atassut, Nunatta Qitornai aamma Siumut immikkut pisassiisoqarnissaanik piumasaqarsimapput, maannalu Naalakkersuisut tunniutiinnarsimallutik.

Aalajangiinerup malitsigisaanik, aqutsiveqarfinni tamani biologit innersuussutaat sinnerlugit maanna immikkut pisassiisoqarpoq.