Skip to main content

Isumassarsiatsialammut pisortat tapiissutaat assigiinngissitaarput

Isumassarsiatsialak piviusunngorteriaannaq Namminersorlutik Oqartussat tapiinissaanut periarfissarpassuit ikiorsiullugit piviusunngortinneqarsinnaavoq. Qinnuteqaraanni aningaasat pisariaqartinneqartut pissarsiarineqarsinnaapput.

Inuussutissarsiornermut naalakkersuisoq, Hans Enoksen, suliffeqarfimmik nutaamik pilersitsiniarnermut tapiissuteqarfigineqarnissamut atatillugu periarfissarpassuit paragraf 37 naapertorlugu apeqqummut akissummi saqqummiuppai.

Tapiiffigineqarnissamut periarfissat assigiinngitsut atuakkit:

  • Qiortakkanik aaqqissuussineq. Siunnersuisarnermik ingerlatsinernut tapiissuteqarsinnaanermik periarfissaqarfiusoq, suliffimmik pilersitsinermi imaluunniit allilerinermi. Qiortakkamik aaqqissuussineq ataaseq 25.000 kr.-inik aningaasartaqartarpoq.
  • Nioqqutissianik ineriartortitsinissamut tapiissut. Aningaasartuutaasut 50 %-ii angullugit annertussuseqarsinnaasunik, qinnuteqartup aningaasartuutissatut missingersuusiaanut atatillugu. Ukiumullu tassani annerpaamik tapiissutigineqarsinnaasut 300.000 kr.-inik annertussuseqarput.
  • Avammut niueruteqartarnermut tapiissutit. Avammut niueruteqarnissamut atatillugu suliniutaasunut tapiissutissatut neriorsuut nalunaarutigineqartarpoq, taamaattoq annerpaamik 100.000 kr.-inik aningaasartalimik

  • Ingerlatsinermut tapiissutit. Aningaasanullu 2018-imut inatsimmi aamma aningaasaliissutinik immikkoortitsisoqarnikuuvoq nioqqutissiorfinnik ingerlatsinernut tapiissutissanik. Aningaasaliissutillu taakkua atorneqartussaallutik tunitsivinnut tapiissutitut, suliffissaqartitsinermik ingerlatsinermillu qularnaariumalluni, aalisarnermi aamma piniarnermi, kiisalu tunitsivinni nioqqutissiornernut nunaqarfinni aalajangersimasuni illoqarfinnilu minnerusuni, suliffissaqartitsinissamik pisariaqartitsiviusuni.

  • Aallarnisaasunik ineriartortitsinermik aaqqissuussineq. Kiisalu aamma innersuunneqarsinnaavoq 2017-imi atortuulersinneqartoq aallarnisaasunik ineriartortitsinermik aaqqissuussineq, siunertaqartoq suliffeqarfinnik nutaanik tapersersuinissanik, ukiuni siullerni ingerlatsiviusuni oqimaatsuni.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER