Skip to main content

Isumasiuineq: Kuannersuit pillugit suliniut 63 procentinit akerlerineqarpoq

Innuttaasut amerlanerpaartaat aatsitassarsiornissaq orniginartsinneqarpoq. Innuttaasut amerlanersaat Greenland Mineralsip Narsap eqqaani suliniutaa innuttaasunit akerlerineqartoq isumasiuinerup takutippaa.

HS Analysep isumasiuineq Innovation South Greenlandimut suliaani innuttaasut aperineqarput aatsitassarsiorneq qanoq isumaqarfigineqarnersoq kiisalu Greenland Mineralsip Narsap eqqaani Kuannersuarni suliniutaa aamma apeqqutigineqarpoq. 

Isumasiuinermi ilaatigut apeqqutigineqarpoq: Kuannersuarni suliniut, uranitalimmik biproduktitut piiaanissamik imaqartuni, taperserpiuk imaluunniit akerleraajuk?

Isumasiuinermi akissutigineqarsinnaapput:

"Isumaqatigilluinnarpara", "isumaqatigaara", "isumaqatiginngilara", "isumaqatiginngilluinnarpara" aamma "naluara".

Aperineqartut 63 procentiisa Kuannersuarni suliniummut akerliusut erserpoq. Tassami 'isumaqatiginngilluinnarpara'-mik akisut 45 procentiupput, aperineqartut 18 procentii 'isumaqatiginngilara'-mik akisut.

12 procentit "Isumaqatigilluinnarpara"-mik akipput, 14 procentit "isumaqatigaara"-mik akipput, 11 procentit 'naluara'-mik akisut.

Aallaaviusut tunngavigalugit suliaq pillugu oqallittoqalernissaa Innovation South Greenlandimit anguniarneqarpoq. Taamaattumik HS Analysep isumasiuinissaanik inniminniipput.

- Isumasiuinerup siunertarivaa Nunatta Kujataani Kuannersuarni aatsitassarsiornerup Nunarput tamakkiisumik, Nunattalu Kujataani inuutissarsiornermut sunniutaasinnaasut, sumulluunniit attuumassuteqanngitsunik, paasissallugit. Isumasiuineq Naalakkersuisut tusarniaatitsineranut akissutissamut tunngaviliissaaq, Innovation South Greenland Facebookimini allappoq.

Isumasiuineq Innovation South Greenlandtip Kommune Kujallermut siunnersuisarnermini aamma tunngavilersuutitut atorneqassasoq aamma ilisimatitsissutigineqarpoq.

Aatsitassarsiorneq ornigineqarpoq

Nunatsinni aatsitassarsiortoqassanersoq pillugu apeqqummi isumasiuinermi peqataasut aatsitassarsiortoqarnissaa orniginartippaat.

Akissuteqartut 27 procentii aatsitassarsiornissaq annertuumik tapersersoraat, kiisalu 25 procentii aatsitassarsiorneq annerusumik tapersersoraat. Tassunga akerliullutik 14 procentii aatsitassarsiornissamut annerusumik akerliupput, 15 procentillu aatsitassarsiornissamut annertuumik akerliullutik. Naqitat quleriaanni kingullermi takuneqarsinnaavoq akissuteqartut 15 procentii qanoq isummerniarnerlutik nalunerarsimagaat.

Aatsitassarsiorneq pillugu innuttaasut peqataalluarsimasut erserpoq.

Aatsitassarsiorneq pillugu oqallinneq qanoq malinnaaffigineqartigisimanersoq apeqqummi 33 procentit malinnaalluarsimallutik akipput, 41 procentit malinnaasimallutik akillutik.

Aperineqartut 5 procentiinnaat akisimapput malinnaasimanatik, 20 procentit malinnaalaarsimallutik akisimallutik. 

Isumasiuineq uani takuuk:

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER