Skip to main content

Isumaqatiginninniarnerit tigussaanerulersut

IA Inatsisartunilu partiit pingasunngormat isumasiuinerusumik kaffisoqatigiittareersut, IA-mi siulittaasoq tallimanngorpat allatut ataatsimeeqateqarnissamut qaaqqusisimavoq, tassani isumaqatiginninniarniviit aallartinneqassallutik.

Naalakkersuisooqatigiinnermi partiit sukkut imminnut naaperiarsinnaappat sukkullu aporfissaqarsinnaappat. Taakku pingaarnertut oqaluuserineqassapput Múte B. Egedep ullumi tallimanngornermi partiit sisamat kaffisoqatigilerpagit.

Qaaqqusissutit sisamanngormat unnukkut nassiunneqarput, Múte B. Egedellu ullumi tallimanngornermi naatsorsuutigaa isumaqatiginninniarnerit allarnerlugit partiit siunissami suleqatigiissutaasinnaasunik saqqummiussissasut.

Siulittaasup erseqqissaatigaa, 16-it sinnerlugit amerlanerussuteqartunik naalakkersuisooqatigiiliornissaq siunertaralugu.

- Naalakkersuisooqateqarusuppugut ukiuni sisamani patajaattumik atuussinnaasunik aamma piffissaanngitsukkut allanngortinneqartassanngitsunik. Nunamik aqutsisunut inuiaqatigiit tatiginneqqilernissaat sulissutigissavarput, Múte B. Egede Sermitsiaq.AG-mut oqarpoq.

Kuannersuit isumaqatigiinngissutaasut

Naliliisartut arlallit isumaqarput, Kuannersuarni aatsitassarsiorniarneq IA-p ajugaaneranut tunngaviusoq, partiimmi pissaarnermik tigusissaguni suliniut unitsinniarlugu erseqqissumik nalunaarutiginikuummagu.

Demokraatit Siumukkormiullu oqaatigisarpaat avatangiisinut peqqissutsimullu atatillugit aatsitassanut inatsit malinneqartillugu suliniummut ammasuullutik.

Naleraq IA-tulli suliniummut akerliuvoq, matumanili pinerullugu namminersorneq pillugu inatsimmi 75 millioner koruuninik isertitaqarnermi, isertitat affaat ataatsimoortumik tapiissutit ilanngarneqartarnissaannik allassimasoq atuutsillugu annertuumik aatsitassarsiornerit annertuut ingerlanneqassanngitsut partii isumaqarluni.

Atassut tamatumunnga atatillugu innuttaasunik taasititserusuppoq.

IA partiinik Kuannersuit pillugit allatut isumalinnik naalakkersuisooqateqalissanersoq piffissami aggersumi paasinarsissaaq. Oqaluuerisassaq alla annertooq qineqqusaarnermi aamma sammineqangaatsiarsimasoq tassaavoq atugarissaarneq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER