Isumaqatiginninniarnerit aalajangiisussat ullumi pissapput
Siumut aamma Demokraatit ullumi ataatsimiilerunik, nutaanik naalakkersuisoqatigiilertoqassaneranik imaluunniit qinersisoqassaneranik aalajangiisuusinnaapput
Naalakkersuisoqatigiinnik pilersitsiniarluni isumaqatiginninniernerit Siumup aamma Demokraatit ualimut nangeqqissavaat.
Ullumikkullu isumaqatiginninniarnerit aalajangiisuussapput, IA-p ataatsinngormat naalakkersuisoqatigiit Siumumit siuttuuffigineqartut tapersersinnaanagit partiip nalunaaruteqarnerata kingorna, Demokraatit maanna Kim Kielsenip amerlanerussutilinnik tunuliaqutinik katersuutsitsinissamut neriuutituarilerpai.
Demokraatit aamma Siumut siullermik tallimanngormat isumaqatiginninniarlutik ataatsimiipput. Ullumikkut isumaqatiginninniartoqarnerani angusaqartoqarnissaa aalajangiusimaneqanngilaq. Kisianni piffissaarutiliivipput, tassami ukiaanerani ataatsimiinnerit pilersaarutit malillugu tallimanngorpat aallartissaaq, Kim Kielsenilu amerlanerussuteqalersitsinngikkuni tatiginnikkunnaarnermik taasititsinermi ajorsartarsinnaassaluni.
Demokraatit aamma Siumut isumaqatigiissinnaanngikkuni, qinersisoqarsinnaavoq, Siumut ikinnerussuteqarlutik naalakkersuisuusinnaapput imaluunniit Siumut avaqqullugu amerlanerussuteqartoqarlutik.