Isumaqatigiissut: Nunap assinginik nutarsaanissaq allartinneqalerpoq
Kalaallit Nunaata sermeqarfiunngitsortaa digitalinngorlugu assinngortinneqassaaq.
Annonse
Vittus Qujaukitsoq aamma Lars Christian Lilleholt isumaqatigiissummik atsiorput sisamanngormat.
Nunap assinganik nutarsaaneq 2021-ip tungaanut ingerlanneqassaaq, suliaq Danmarkip aningaasaqarnermut inatsisaanneersuulluni. Aningaasaleeqataasuupput A.P. Møller og Hustru Chastine Mc-Kinney Møllers Fond til almene Formaal (A. P. Møller Fonden) aamma Forsvarsministeriets Materiel- og Indkøbsstyrelse.
Suliaq naammassineqarpat tamanut akeqanngitsumik atorneqarsinnaalissaaq. Aqutsisoqarfinnut, innuttaasunut kiisalu suliffeqarfinnut nassiunneqarumaarpoq.
Nunap assinginik nutaanik suliaqartoqarnera ujaasinermut annaassiniarnermullu sulinermut pitsaanerulissaaq, tusagassiutinut nalunaarummi allaqqavoq.