Isumaqatigiissut: KAIR aningaasaqarnermut tunngasunik ernummatiginnittoq
Kangerlussuup inuinnaat timmisartuinut atorneqaannarnissaa pillugu Naalakkersuisut aamma illersornissamut ministerip Trine Bramsenip akornanni isumaqatigiissut Kalaallit Airportsimi Nuummi, Ilulissani Qaqortumilu mittarfinnik nutaanik ingerlatsisussami ingerlatsinermi aningaasaqarnermut tunngasunik nalorninartorsiortitsilerpoq.
Kangerlussuarmi nunat tamalaat akornanni mittarfiup inuinnaat timmisartuinit atorneqaannarsinnaaqqullugu attatiinnarneqarnissaa Kalaallit Airportsimi, KAIR-imi, aningaasaqarnermik sanngiillisitsisinnaavoq.
Sermitsiaq allappoq.
Tamanna Kalaallit Airportsip Nuummi, Ilulissani Qaqortumilu mittarfiit nutaat sanaartorneqarnerannik ingerlanneqarnissaannillu isumaginnittussap siulittaasuata Johannus Egholm Hansenip isertuutinngilaa.
Mittarfiutileqatigiiffiup siulittaasua Naalakkersuisut aamma illersornissamut ministerip Trine Bramsenip akornanni tunngaviusumik isumaqatigiissut pillugu ima oqarpoq:
- Mittarfinnut nutaanut marlunnut ilaasut amerlassusissaannik missingiinerit qularnarsisinneqarnerat ersarippoq. Taamaalilluni Kalaallit Airportsimi aningaasaqarnikkut tunngavissat pillugit nalorninermik aamma pilersitsisoqarpoq, Johannus Egholm Hansen oqarpoq.
Taanna ilassuteqarluni oqarpoq, timmisartortitseqatigiiffit timmisartortitseqatigiiffiillu timmisartunik attartukkanik timmisartuussisartut Kangerlussuarmi nunat tamalaat akornanni mittarfimmik ingerlaarfinnut umiarsuarnullu takornariartaatinut ilaasunik timmisartuussinernut siunissami qanoq annertutigisumik atuisinnaanissaat apeqqutaalluinnassasoq.
Allaaserineqartoq Sermitsiami tamakkiisumik atuarneqarsinnaavoq. Aviisi uani pisiariuk: