Skip to main content

Isumaqatigiissut Savalimmiut imartaanni aalisakkanik arlalinnik tonserpassuarnik pissarsissutaassasoq

Nunarput Savalimmiunut aalisarneq pillugu nutaamik isumaqatigiissusiorpoq, 2022-mut sanilliullugu Savalimmiut imartaanni saarullernanik immikkut 4.000 tonsit sinnilinnik pissarsissutaasussamik.

Kalaallit ikerinnarsiorlutik aalisartut pitsaanerusumik atugassaqartinneqalissapput. 

Taama Aalisarnermut, Piniarnermut Nunalerinermullu Naalakkersuisoqarfimmit tusagassiuutitigut nalunaarummi allassimasoqarpoq.

Taama pisoqartussanngorpoq Kalaallit Nunaat Savalimmiunut 2023-mut aalisarneq pillugu isumaqatigiissusioreersorlu, taamaalillunilu Kalaallit Nunaat 2022-mut sanilliullugu Savalimmiut imartaanni saarullernanik 4.150 tonsinik annertunerusunik 2023-mi periarfissaqalersimalluni Savalimmiullu imartanni nunat tamalaat saarullernartassaannik aalisarsinnaanera 2023-mut annertusisimalluni. 

Savalimmiut Sinniisoqarfiat

Tamatuma akerlianik Savalimmiut Tunumi qaleralinnik immikkut 100 tonsinik nataarnanillu 50 tonsinik pisassinneqarpoq, tinguttuunillu 2022-mut sanilliullugu 100 tonsinik pisassikinnerulerluni.

Naalakkersuisoqarfik paasissutissiivoq, isumaqatigiinniarnerit Københavnimi Savalimmiut Sinniisoqarfianni atorfilittanit ulluni 29-30. novembarimi ingerlanneqarsimasut. 

Kalaallit aallartitaat Aalisarnermut Piniarnermullu Naalakkersuisoqarfimmit siulersorneqarsimapput, matumani KANUAANA, Aningaasaqarnermut Naligiissitaanermullu Naalakkersuisoqarfik, Pinngortitaleriffik aalisarnermillu inuussutissarsiortunut sinniisut peqataasimallutik.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER