Isumaqatigiissut pingaaruteqarluinnarpoq

Kangerlussuaq pillugu sinaakkutissatut isumaqatigiissutsuliffeqarfitsinnut pingaaruteqarpoq, BowhuntingGreenlandimeersoq Frank Feldmann oqarpoq.

Tammaviutsussamik pisissimik umimmanniarneq.

– Kangerlussuarmi timmisartuussisarnissamut ingerlatsinissamullu Namminersorlutik Oqartussat Illersornissaqarfiullu isumaqatigiissutaat suliffeqarfitsinnut isumalerujussuuvoq.

- Atuisugut Kangerlussuarmiit Kangerlussuarmullu timmisartumik angalasinnaanissamut, akunnittarfimmi unnuisinnaanissamut, neriartorfissaqarnissanut taavalu annaassiniarnermut SAR-imik qulimiguulimmut periarfissaqarnissaat aalajangiisuuvoq, Frank Feldmann Buejagt Grønlandimik piginnittoq takornarianillu angallassisartoq oqarpoq.

Taassuma sullitani Kangerlussuarmi tammajuitsussarsiniarluni piniartittarpai. Pisissimik umimmanniarnermik tuttunniarnermillu neqerooruteqartoq nittartagaani atuarneqarsinnaavoq.

– Sisamanik tammaarsimaarfeqarpugut ukiumullu 55-inik unnuisoqartarluta.

Ukiuni tulliuttuni inniminniisut qanoq isikkoqarpat?

– Nalinginnaasumik ingerlapput. Ukiumut inniminnerneqarsinnaasut tamakkerneqartuaannarput, Sermitsiamut oqarpoq.

Suliffeqarfiup ineriartortinnissaanik pilersaaruteqarpit?

– Najugaqartut piniartut aaqqissuussisartullu qanimut suleqatiginerulernissaat pilersaarutaavoq. Sullittakkat amerlassusaat taamaaginnarluni, tassa piujuartitsinermik aallaaveqartumik, paasissutissiivoq.

Powered by Labrador CMS