Skip to main content

Isumaqatigiissitsiniarnermik suliami illersuineq ukiup nutaap aallartinnerani tunniunneqassaaq

Kuannersuarnut tunngatillugu isumaqatigiissitsiniarnermik eqqartuussivimmut illersuinertik Naalakkersuisut aamma qallunaat naalakkersuisui kingusinnerpaamik 8. januar tunniutissavaat. ETM tusagassiuutinut nalunaarummi taama allappoq.

Isumaqatigiissitsiniarnermik suliaq Kuannersuarni suliniummi saqitsaannerup annertuup ilaatut ingerlasoq kigaatsumik siumut ingerlavoq, tassani Energy Transition Minerals Ltd (siornatigut Greenland Minerals) aatsitassanik qaqutigoortunik piiaanissamut akuersissummik Naalakkersuisut itigartitsipput.

Uranimut inatsit tunuliaqutigalugu itigartitsineq pivoq, tassani uranimik aalajangersimasumik malmimik akulinnik inerteqquteqartoqarpoq.

ETM-ip isumaqatigiissitsiniarnermik suliamini Københavnimi maalaarummik allakkamik tunniussaqarpoq, naalakkersuisut taakku marluk Kuannersuarni piiaasinnaanermut akuersissummik pissarsinissamut pisinnaaffeqarnerminnik aalajangiinissaannik anguniagaqarluni. Tamatuma peqatigisaanik ETM-ip maannamut taarsiiffigineqarnissamik piumasaqaatini 11,5 milliarder dollarinut naatsorsorpai, erniat ilanngullugit.

Suliaq Kalaallit Nunaannut nuutsinniaraat

Naalakkersuisut piffissami matumani isumaqatigiissitsiniartarfiup piginnaasaat tigummivaat, isumaqatigiinngissutillu kalaallit eqqartuussiveqarfiini suliarineqartariaqarnera tunngavilersuutigaat. Eqqartuussivik pillugu piginnaatitsinermi isumaqatigiinngissut suliap ingerlanerani aalajangerneqassaaq.

Suliami alloriarnermi nutaami isumaqatigiissitsiniartarfiup naalakkersuisut taakku marluk illersuinerminnik kingusinnerpaamik 8. januar tunniussinissaat piumasaqarfigai. Tamatuma kingorna isumaqatigiissitsiniartartut suliami immikkoortut pillugit pilersaarummik aalajangiussaqassapput.

ETM-imi pisortaaneq, Daniel Mamadou, isumaqatigiissitsiniarnermik suliap sinnerata qanoq isikkoqarnissaa, aamma qaqugu naammassinissaa naatsorsuutigineqassanersoq paasineqassasoq isumaqarpoq.

ETM suli isumatusaartumik Kalaallit Nunaanni Naalakkersuisunik oqaloqateqarnissamik ujartuisoq, taanna oqarpoq, Kuannersuarnilu suliniutip soqutigisaqartunut tamanut iluaqutaasumik ineriartortinnissaa anguniarneqartoq.

Uranimut inatsisip piiaanissat tamarmik pisinnaatinngilai

Isumaqatigiissitsiniarnermik suliaq isumatusaarluni oqaloqatigiinnermik nassuiarneqarsinnaanersoq suliami illuatungeriit assigiinngitsumik paasissagunarpaat.

Kuannersuarni suliniut aatsitassanik qaqutigoortunik imaqarpoq, taakku nukissiornermut mingutsitsinnginnerusumut nuukkiartornermi pingaaruteqarput, Europami nunarsuarmilu nunani allani naalakkersuisunit annertuumik ukkatarineqarput.

Suliniut nunani tamalaani periutsini pitsaanerit naapertorlugit isumannaatsumik ineriartortinneqarsinnaasoq, ETM-ip uppernarsarsimallugu isumaqarpoq, kisianni urani qaqqamiittoq, aatsitassanik qaqutigoortunik piiaanermi ilanngutinngitsoorneqarsinnaanngitsoq pissutigalugu Naalakkersuisut itigartitsipput.

ETM-ip suliniummik nutaamik akuersissut pissarsiariniarsarigaluarpaa, tassani urani kingorna qaqqamut inisseqqinniarlugu, kisianni tamanna aamma uranimut inatsimmik 2021-meersumik naapertuinngilaq.

Illersuinermi tunniussinissamut piffissaq killiliussaq pillugu Naalakkersuisunit Sermitsiaq.AG oqaaseqartitsiniarsarivoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER