Isumalioqatigiissitaq: Tunngaviusumik inatsisissaq pillugu innuttaasut ukiamut ataatsimiitsinneqassapput

Tunngaviusumik inatsisissaq pillugu Isumalioqatigiissitap, tunngaviusumik inatsisissamut missingiut aasamut inaarsarniarpaa, neriuutigaalu innuttaasunut paasititsiniaaneq ukiamut aallartissinnaassallugu.

Tunngaviusumik inatsissaq pillugu Isumalioqatigiissitaq ataatsimeeqqammerpoq, pingaarnertullu oqaluuserineqarsimallutik, 2020-mi 2021-milu innuttaasunut paasititsiniaanissaq aamma sulinermut piffissaliussaq.

Isumalioqatigiissitamit tusagassiorfinnut nalunaaruteqarnermi oqaluttuarineqarpoq.

Isumalioqatigiissitami suleqatigiissitat Kalaallit Nunaata Tunngaviusumik inatisissaanut missingiut aasap tungaanut suliarissavaat, siulittaasoq oqaluttuarpoq:

- Ukiap tungaanut pingaarnertut suliassavut tassaapput missingiummik inaarsaanissasq innuttaasunillu oqaloqatearnissamut piareersarnissaq, Tunngaviusumik inatsisissaq pillugu Isumalioqatigiissitami siulittaasoq Eneqi Skourup Kielsen (S) oqarpoq.

Missingiutip tamanut tusarniaassutiginissaa

Isumalioqatigiissitaq aalajangersimavoq, missingiut naammassineqarpat tamatnut tusarniaassutigineqassasoq:

- Isumaqarpgut, tunngaviusumik inatsisissatut siunnersuutip qanoq isikkoqarnissaa innuttaasut pissangallutik utaqqigaat. Taamammat tunngaviusumik inatsit sunaanesoq, isumalioqatigiissitamit suut anguniarneqarnersut aamma ukiuamut periusissiarput pilersaaruterpullu sunik imaqarnesut pillugit innuttaasunut paasititsiniaanissarput aallartissavarput, Ineqi Skourup Kielsen oqarpoq.

Isumalioqatigiissitamit neriuutigineqarpoq, Kalaallit Nunaata Tunngaviusumik inatsisissaatut siunnersuut aappaagu ukioq naatinnagu tunniunneqarumaartoq.

Powered by Labrador CMS