Skip to main content

Isumalioqatigiissitaq maanna siulittaasqalerpoq

Saammaateqatigiinnissamut isumalioqatigiissitami ilaasortat nutaat pingasut iserput, suliaalu nukittorsarlugu

Saammaateqatigiinnissamut Isumalioqatigiissitaq pingasunik nutaanik ilaasortaqalerpoq Kalaallit Nunaanni saammaateqatigiinnissamut suliap ingerlanerani siuarsaaqataasussanik.

Ilaasortat nutaat tassaapput Josef Therkildsen Nuummeersoq siornatigut SIK-mi Siulittaasumut tulliusimasoq, Dorthe Katrine Olsen Sisimiuni KTI-mi ilinniartitsisutut atorfilik aammalu Anna Heilmann Maniitsumi Qeqqata Kommuniani ilinniartitaanermut pisortaq.

Josef siulittaasunngussaaq
Josef Therkildsen Naalakkersuisuninngaanniit Saammaateqatigiinnissamut Isumalioqatigiissitami siulitaasussatut toqqarneqarpoq. Isumalioqatigiissitap siulittaasoqalernera nutaajuvoq,

Allaaserisap ataatungaani isumalioqatigiissitami ilaasortat nutaat assingi takukkit.

Jens Heinrich, piffissami sivisuumi isumalioqatigiissitami kisimiiginnangajassimasoq ullumi oqaaseqarpoq.

Atuaruk: Saammaasseqatigiinnermut ataatsimiititaliap maleruagassani malinngikkaa

 Ilaasortat nutaat inuttut immikkoorutitik assigiissuteqarfigaat, tassaasoq kalaallini inuiaqatigiinni pisunut paasisimasaqarnerat. Ilisimasaat inuiaqatigiinnut tunngassuteqartut aammalu misilittakkaminnut tunngavigisaat pinngitsooratik isumalioqatigiissitami sulinermi iluaqutaasussaapput, aammalu qularnanngilaq pingaartitanik tapersiiumaartut isumalioqatigiissitamut suli annertunerusumik nukittorsaataasussanik.

Siulittaasoq nuannaarutigigaa
Siulittaasumik toqqaasoqarnera aamma nuannaarutigaarput. Tulliuttoq tassaassaaq, uagut isumalioqatigiissitami nammineq siulittaasup tullissaanik toqqaanissarput. Isumalioqatigiissitami sulinermi suleqatigiinnissarput ineriartortitseqqinnissarpullu qilanaaraarput.

Isumalioqatigiissitaq Nuummi ataatsimiinnissaminut pilersaaruteqarpoq, aamma pilersaarutigaat Nuummi katersortarfimmi innuttaasunik ataatsimiisitsinissartik.

Saammaasseqatigiinnissamut isumalioqatigiissitaq ukioq manna sinerissami angalangaatsiarnikuuvoq, tamannalu sulineq ingerlaqqissaaq, Kommune Kujallermi sumiiffinni arlariinni innuttaasunik ataatsimiisitsileruni aammalu Qeqqata Kommuniani decemberimi.

Aamma atuaruk: Saammaateqatigiinnissamut Isumalioqatigiissitap nalunaarusiaa siulleq saqqummerpoq

Aamma atuaruk: Kim Leine: Saammaateqatigiinneq pisariaqarpoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER