isumalioqatigiissitaq
Isumalioqatigiissitami taarsiisoqaqqittoq
Saammaateqatigiinnissamut Isumalioqatigiissitami ilaasortaq Anna Heilmann, ukioq ataaseq suleqataareerluni Isumalioqatigiissitamiit tunuarniarpoq. Iisaavaraq Petrussenip taarsertussanngorpaa
Saammaateqatigiinnissamut isumalioqatigiissitap ilaasortaasa nutaanerpaat ilaat ilinniartitaanermut pisortaq Anna Heilmann Maniitsormiu ilaasortaaffimminit tunuarpoq.
- Ukiut ingerlanerani suliassanik assigiinngitsorpassuarnik inuiaqatigiinnut tunngasunik pingaartumik aaqqissuussaanermut, ilinniartitaanermut inuillu atugaannut tunngasunik Anna Heilmann suliaqartarsimavoq, Annalu aqutsinermik ataqatigiissaarinermillu annertuumik misilittagaqarluni, aammalu innuttaasunik peqataatitsilluni sammisaqartitsinermi. Saammaateqatigiinnissamut Isumalioqatigiissitaq Anna pissarsiaqarfigilluarsimavaat, maqaasinassallunilu, isumalioqatigiissitami siulittaasoq Josef Therkildsen Naalakkersuisut nittartagaanni paasissutissiilluni oqaaseqarpoq.
Atuaruk: Isumalioqatigiissitaq maanna siulittaasqalerpoq
Ilaasortassarlu nutaaq tassaavoq Iisaavaraq Petrussen, Nuummioq.
- Iisaavaraq Petrussen nunatsinni ilisimaneqarluarpoq, taalliortutut erinniartutullu, nipilersornikkut kulturikkullu iluani aallartitaalluarluni. Asilerisutut sulisimavoq, pinngortitamillu qanimut atuineq misilittagaqarfigilluarlugu, soorlu Inuiaat Kalaallit inuusaasiat oqaluttuarisaanerallu pillugit soqutiginnittuullunittaaq, ilaasortanngortumut ilisaritsitsinermi ilaatigut taama oqaaseqartoqarpoq.
Atuaruk: Saammaateqatigiinneq sammisaq misigissuseqarfiusoq
Saammaateqatigiinnissamut Isumalioqatigiissitami ilaasortat Kalaallit Nunaata Danmarkillu akornanni saammaateqatigiinnissap ingerlanerani siuarsaaqataasussaapput. Taakkualu 2017-p naajartornerani isumaliutissiissummik tunniussaqartussaassallutik.