Skip to main content

Isumaginnittoqarfik tukattoq paasisat nutaat uppernarsarpaat

Kommune Kujallermi inunnik isumaginnittoqarfimmi suliat tukangaarmata, ilaqutaariit eqqugaasut tunngaviusumik inatsisitigut isumannaassusaat aarlerinarpoq, allagaatinik takunnissinnaatitaanerup tamanna takutippaa

Inunnik isumaginninnermut siunnersortit sisamat Isumaginninnermut Naalakkersuisoqarfimmit aallartitat upernaaq Kommune Kujallermut tikeraarput.

Mailit aamma nalunaarsukkat KNR-ip allagaatinik takunnissinnaatitaaneq atorlugu pissarsiai naapertorlugit, Kujataani kommunimi tunngaviusumik ajortoqarpoq.

KNR-imi atuaruk: Innuttaasut inatsisitigut isumannaassusaat aarlerinartoq

Allagaatini aamma ersippoq, taakkua naalakkersuisoqarfimmut ilaatigut nalunaaruteqartut, innuttaasut kommunimit allaffisornikkut sullinneqarnerat illersorneqarsinnaanngitsutut, sulianik ingerlatsitsineq inatsisaatsuliornerusutut, suliallu inatsimmik tunngaveqanngitsutut isigigitsik, aammalu inatsisitigut illersorneqarsinnaanngitsoq.

Pappiaqqat amigaataapput
Isumaginninnermilu siunnersortit aallartitaasut takusaminnik ernumatsaqa. Sulisut aggersitaasut meeqqanik inuusuttunillu suliat 168-it qulaajarsimavaat. Ilaatigut angerlarsimaffiup avataanut inissiinerit 13-it ernumalersitsisut misissorneqarput.

Suliani amerlasuuni uppernarsaatit pingaarutillit amigaataasut oqaartigineqarpoq.

Ilaquttaminnut uteqqissinnaasut
Tamannarpiarlu sulianik ajornartorsiornerulersitsisinnaasoq, naalakkersuisoqarfimmi pisortap Julie Præst Wilchep, mailit ilaanni KNR-ip pissarsiarisimasaani oqaatigaa.

- Uppernarsaatinik amigaateqarnermik angajoqqaat ilisimatinneqaraangata, tamatuma kingunerisarpaa, angajoqqaat meeqqamik angerlarsimaffiup avataanut inissinneqarsimasut imminnut angerlartinnissaat kissaatigisinnaagaat, taamaaliornissaallu pinngitsoortinneqarsinnaanngilaq.

Atuaruk: Kommunimi politikerit marloriaammik akissarsisarsimapput

Pissutsilli allaaserineqartutut ajortiginngitsut neriuutigalugu, aningaasaqarnermut pisortaq, Kenneth Høegh, akissutimini allappoq.

Ikiortissarsiortut
Kommunip siornatigut nammineerluni nassuerutigereerpaa, isumaginnittoqarfimmi iliuuseqartoqarnissaanik pisariaqartitsisoqartoq, tamatumanilu Namminersorlutik Oqartussat ikiisinnaasoq isumaqartoqarpoq.

Atuaruk: Kommune Kujalleq isumaginninnerup tungaatigut ikiortissarsiorpoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER