Isumaginninnermi ikiortinngortut 20-t

Perorsaanermik Ilinniarfik Ilulissaniittoq ullumi sisamanngornermi isumaginninnermi ikiortinik nutaanik 20-nik allagartartaartitsivoq.

Isumaginninnermi ikiortinngortut 20-t ukiuni marlunni ilinniareerlutik soraarummeernermut uppernarsaatitik PI/SPS-mi rektorimit, Nuka Kleemannimit pissarsiaraat.

Isumaginninnermi ikiortinngortut ilinniarnertik naammassivaat, tassa ilinniarnerminni nunap immikkoortuini Qaqortumi, Maniitsumi, Ilulissanilu atuagarsoreerlutik, illoqarfigisaminni suliffimmi misiliinerminni, qitiusumillu ilinniarfimmi ukiup affaa seminariami ingerlatereerlugu.

Isumaginninnermi ikiortitut naammassigaanni socialassistentinngorniarneq ingerlariaqqiffiusartoq, socialassistentinngoraannilu perorsaasunngorniarnermut ilinniartoqarsinnaasoq PI/SPS ilisimatitsivoq.

PI/SPS-imi allagartartaarneq pingaartorsiutaavoq, nalliuttorsiorneq PI/SPS-imi kaffillernermik unnukkullu nereqatigiinnermik naggaserneqassaaq.

Isumaginninnermi ikiortinngortut aajuku:

• Naja M. Geisler, Upernavik
• Marina Clasen, Ilulissat
• Ane Lyberth, Maniitsoq
• Aviâja Jakobsen, Nanortalik
• Mette-Arnannguaq Larsen, Ilulissat
• Frida Kristiansen, Ilulissat
• Ane-Amalie Karlsen, Upernavik
• Anna-Karina Inûsugtok´, Sarfannguit
• Arnaq Brandt, Ilulissat
• Esmeralda Petersen, Ilulissat
• Kulunnguaq Jakobsen, Ilulissat
• Pernille Olsen, Ilulissat
• Karen Lynge, Upernavik
• Jensigne Sara Olsen, Ilulissat
• Lana Dahl, Qeqertarsuaq
• Vitta Johansen, Upernavik
• Petra Jensen, Ilulissat
• Paninnguaq Mathiassen, Ilulissat
• Heidi H. Goliathsen, Maniitsoq
• Arnarulunnguaq Andreassen, Sisimiut