Skip to main content

Isuma: Aningaasarsiornissamik ilimagisat takorluuinnagaapput

Kalaallit Nunaata aningaasarsiornikkut periarfissai tusagassiorfiit politikerillu pilersaarutinngortissimavaat takorluuinnakkat

Kalaallit Nunaata issittumi pisoorsuanngornisaa takorluuinnagaavoq eqqunngitsumillu takutitsinerulluni. Taamatut allappoq The Arctic Institut, taassumalu oqaaseqaatit politikerit tusagassiorfinnillu saqqummiunneqartartut apeqquserpai.
...Sermeq aakkiartortillugu aningaasarsiornissamut periarfissat annertusiartussapput. Nunallu ataani ikummatissat nunarsuarmi uuliaqarfiit gas-eqarfiillu paasineqanngitsut 13 procenteraat. Issittoq aqqusaarlugu umiarsuit aqqutaat ikummatissakkut angalaffiillu sivisussusaatigut aningaasatigut sipaarfiussapput. Soorlutaaq takornariaqarneq aningaasarsiutigalugulu aalisarneq naassaanngitsunik ilisimanaateqartut...
Aningaasarsiornissamik ilimanaatit amerlasoorujussuupput. Kalaallit Nunaat pisoorsuanngussaaq.
Issittumili aningaasarsiornikkut ´siuariarujussuarnissaq´ ungasissorujussuuvoq.
Ilaatigut assersuutigalugu uuliasiornermi oqaatigineqarpoq Cairn Energy annertoorujussuarnik aningaasaliissuteqarsimagaluartoq suli uuliamik nassaarsimanngimmat. Aamma Shell qillerinermini iluatsitsinngilaq. Issittumi uuliaqartorujussuussagaluarpalluunniit uuliaqarfimmi allami, Barentshavetimi Shtokman-imi, uuliaqassusiata takutissimavaa tuniniaavimmi qitiusumik inissisimanini annaasimagaa, pissutigalugu USA-mi skifer-gas-imik tuniniaaneq annertuseriartujussuarsimammat. Taamaattumillu qillerinissat siusinnerpaamik 2025-mut kinguartinneqarput.
Kalaallit Nunaata aningaasarsiornikkut periarfissaqarnerujussuanik ilimasunneq allaaserisami allarluinnartumik isigineqarpoq: The Questionable Arctic Bonanza - Exaggerated Hopes and False Images of the Arctic as "Prime Real Estate". Allaaserisuaq tuluttuujuvoq. Atuarsinnaavalli uani.
Illit qanoq isumaqarpit?

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER