Skip to main content

Issittumi ulorianartorsiortitsineq: Maannakkorpiaq aaqqiissutissaqanngilanga

Illersornissamut ministeri Issittumi ulorianartorsiortitsisunik taasaqarusuppoq, tigussaasumilli aaqqiissutissaqarani.

Peqatigitillugu USA-p Danmark Kalaallit Nunaanni sakkutooqarnikkut annertusaaqquaa, ilaatigullu siunnersuutigisimallugu timmisartunik malersuutinik ataavartumik Kalaallit Nunaanniititaqarnissaa.

Illersornissamulli ministerip Trine Bramsenip taamatut piumasaqartoqarnera maannakkorpiaq iliuuseqarfigerusunngilaa.

FE taamatut allappoq

Illersornissaqarfiup Isertortumik paasiniaasartisa Issittoq pillugu allaaserisaata aallaqqaataani ilaatigut allassimavoq:

"Pingaartumik Ruslandip USA-llu illersornissamut tunngatillugu polikkii erseqqipput, tamatumunngali aaamma Kina ilaavoq, nunallu pineqartut pingasu taakku Issittumi illersornissamut aningaasarsiornissakkullu soqutigisaqarnerat malunnarluinnarluni. Taamatutu ineriartortoqarnerata malitsigisaanik politikkikkut sakkortuumik oqaaseqartoqartarnissaa Issittumilu sakkutooqarnikkut annertusaasoqarnissaa ilimanarluinnarpoq."

"Isumannaallisaanermut politikkeqarnerup taamatut ineriartornera Kunngeqarfiup Danmarkip Issittumi suliqartarneranut aamma sunniuteqassaaq. Iligiit Kunngeqarfiullu Danmarkip issittumi sakkutuulersortoqannginnissaanik anguniagaqarnerminik attassiinnarusunnera eqqarsaatigalugit oqimaaqatigiissitsiniarneq unammillernassaqaaq."

- Piffissami qaninnermi timmisartunik malersuutinik Kalaallit Nunaannukartitsissanerluta oqaluuserisimanngilarput. Unammilligassanut maanna atuuttunut tamanna aaqqiissutissaanngilaq.

- Illersornissamulli tunngatillugu isumaqatigiissutitsigut aalajangereernikuugatsigu, timmisartunut sorsuutinut taakkununnga nikaallassaatinik pisiaqarniarluta (sikumut missinnaatinniarlugit), imaanngilaq Bornholmimut minniarmata.

Ukiut qulit tulliit ingerlaneranni Kalaallit Nunaanni ataavartumik timmisartoqalissava sorsuutinik?

- Pisut sukkasuupilussuarmik ingerlasarmata, maannakkorpiaq tamanna oqaaseqarfiginianngilara. Maannakkorpiaq tamanna pilersaarutaanngilaq. Sumiiffimmilli malinnaanitta qanoq nukittorsarneqarsinnaanera misissussavarput.

Qanoq nukittorsarnqarsinnaava?

- Misissussavarput.

Qanormi?

- Assigiinngitsunik periarfissaqarpoq.

Timmisartut challengerit amerlanerit, satellitsikkut nakkutilliineruneq?

- Tamanna uterfigiumaarparput.

Amerikamiummi silaannakkut ulorianartoqarneranut tunngatillugu toqqaannartumik iliuuseqaqquaatigut?

- Aap, taamaakkaluartoq Danmarkip kalaallit suleqatigalugit isumannaallisaaneq isumagisarpaa.

Issitumi sakkutooqarnikkut annertusaaneq aningaasassaqartinneqarpa?

-Aaqqiissutissarsinissaq soqutigingit paasisinnaavara, maannakkorpiarli aarlerinartoqarsinnaaneranik naliliisimaneq kisiat oqaaseqarfigisinnaallugu oqaatigisariaqarpara.

- Aarlerinartoqarsinnaaneranik nalilersuinermi aarlerinarsinnaasut misissorneqartarput, aamma aaqqiissutissarsiorluni suliaqartoqartarpoq.

Tassa suli aaqqiissutissarsisimanngilasi?

- Tamanna uterfigissavarput. Soorunami. Aarlerinartoqarsinnaanerannimmi misissuisimaneq suliassaqartoqarneranik tikkuussisoq takoreerlugu oqaannarsinnaanngilagut: "Nå, angerlarniarta".

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER