Issittumi Sakkutooqarfik nutaamik pisortartaartoq
Martin La Cour-Andersen Issittumi Sakkutooqarfimmi pisortanngussaaq. Illersornissaqarfiup USA-mi allaffiani pisortaasimavoq, juunimilu sulilissalluni.
Issittumi Sakkutooqarfik siorna decembarip qaammataanili pisortaqarsimanani, Kim Jørgensenip pisortatut taartissaanik maanna atorfinitsitsioqarsimavoq.
Martin La Cour-Andersen 2021-mi juunip aallaqqaataani Issittumi Sakkutooqarfimmi pisortanngussaaq, tassungalu atatillugu kontreadmiralitut taaguuteqartinneqalerluni. Martin La Cour-Andersen illersornissaqarfiup USA-mi allaffiani atorfeqarsimavoq.
Martin La Cour-Andersen 1963-imi inunngorpoq, Nuliaqarpoq pingasunillu qitornaqarluni.
Issittumi Sakkutooqarfiup decembarip qaammataani nalunaarutigaa, pisotaasimasoq generalmajor Kim Jørgensen Forsvarsministeriets Materiel- og Indkøbsstyrelsemi pisortatut atorfinitsinneqarsimasoq, decembarillu qiteqqunnerani atorfittaamini sulilereersimasoq.
Kim Jørgensen Issittumi Sakkutooqarfimmi 2016-imili pisortaasimavoq.