Issittumi politikki Kalaallit Nunaannit, Islandimit Savalimmiuniillu isumaqatigiissutigineqartariaqartoq

- Issittumi nunat nunarsuarmioqatitsinnit maluginiarneqaleraluttuinnarput. Ukiuni 30-ni kingullerni suleqatigiinnitta kingunerisaanik maluginiarneqarnerujartorpugut.

Islandip præsidentia Ólafur Ragnar Grimsson oqarpoq. Taanna siullerpaalluni Vesnordisk Rådimi ataqqinaammik nersorniarneqarpoq. Tamanna Vesnordisk Rådip Torshavnimi ataatsimiinnerani pivoq.

Issittoq pillugu suliaqarsimalluarnera pissutigalugu ataqqinaammik tunineqarpoq.

Ataatsimut suleqatigiinneq
Arctic Circlertoqarnissaanut Ólafur Ragnar Grimsson suliniuteqarluartuuvoq, isumasiueqatigiinnissaq ukioq manna ingerlanneqassaaq.

Killeqanngitsumik aamma niueqatigiissinnaanissaq siunnersuutigaa.

- Kalaallit Nunaat, Island Savalimmiullu suleqatigiinnerulerpata assigiingitsorpassuartigut iluaqutaassaaq. Soorlu aningaasaqarnikkut, aalisarnikkut suliffissatigullu, oqarpoq.

Lars-Emil Johansen siulittaasunngorpoq
Inatsisartuni siulittaasoq, naalakkersuisuunikkullu misilittagaqarluartoq Lars-Emil Johansen Vestnordisk Rådimi siulittaasunngorpoq, savalimmiormiu Bill Justinussen kingoraarlugu.

- Siulittaasutut sulinernissara qilanaaraara, sapinngisaralu tamaat atorlugu sulissallunga, oqarpoq.