Skip to main content
ICC

Issittumi piniartut ataatsimeersuarnissaat KNAPKp piumasaraa

Nunatsinni issittumilu piniartut tatineqariartortut, aalisartut piniartullu kattuffianni KNAPKmi siulittaasup tullia Leif Fontaine ICCp ataatsimeersuarnerani oqarpoq

Nunatsinni piniartut ikiliartorput, taamaammat imaani ikummatissarsiornermi mingutsitsisoqassagaluarpat piniartutut inuussutissarsiuteqarneq suli ulorianartorsiornerulissasoq, aalisartut piniartullu kattuffianni KNAPKmi siulittaasup tullia Leif Fontaine inuit issittormiut siunnersuisooqatigiit ICCp Canadap avannaani Inuvimmi ataatsimeersuarnerani oqalugiarnermini oqarpoq.

Atuaruk: Aqqaluk Lynge: Sorsunneq nillertoq nutaaq takkuteriaannaavoq

Kalaaliminernik pisiniarfinni pisinissamut akisuginnittorpassuupput tamannalu piniartut pisaminnik tunisaqarniarnerannut eqquinerluttartoq, Leif Fontaine marlunngornermi oqalugiarnermini oqarpoq.

Maanna piniartut aningaasarsiornerat puisit amiinik EU-mut eqqusseqqusiunnaarnermit eqqorneqarpoq. Eqqusseqqusiunnaarnermi naggueqatigiit inuit pineqanngikkaluarlutik taamaattoq eqqugaapput. Danmarkimi puisit amii pillugit paasititsiniaaneq Inuit-Sila aallartinnikuuaa. Taanna atorlugu puisit amii puisinillu atuineq pillugu paasissutissanik siammarterisoqarpoq.

- Danmarkimi pisiniarfiit atuisullu inuit amiutaasa EU-mi mattunneqannginnerat ilisimanngilluinnarpaat. 2012-mi 2013-milu Inuit Silap misissuititsinerata ersersippaa eqqusseqqusinnginnermi inuit amiutaasa ilaatinneqannginnerat danskit 10-gaangata 2-luinnaat tamanna ilisimasaraat, Leif Fontaine oqarpoq.

Taarsiiffigeqquneq
Issittumi aatsitassarsiornerup annertusiartornera ernummaammernartoqartippaa. KNAPKllu ernumaannera ilaqqittarpoq imaani mingutsitserujussuartarnerit pisarmata uumasoqassutsimik eqquinerluttaqisut.

KNAPKp issittup imartaani uuliamik gassimillu qalluinissaq akerleraa.

- Piniartut mingutsitsisoqarneratigut piniagassalluunniit akornusersorneqarnerisa kingunerisaanik annaasaqartut taarsiivigineqarnissaat aammalu saliinerup aallartinneraniit naammassinissaata tungaanut siumoortumik qularnaarneqareertoqarsimatinnagu taama pisoqassanngilaq, Leif Fontaine oqarpoq.

Nunanit allanit tatineqarnermik misigineq inuit issittormiut tamarmik atugaraat. Taamaammat KNAPK siunnersuuteqarpoq issittumi piniartut isumasioqatigiisinneqarnissaannik.

- Tassani pisuussutinik atorluaanissaq, soorlu puisit tamakkiisumik atorluarneqarnerunissaat allallu sumiiffikkaartumik pisariaqartinneqartut itinerusumik eqqartorluarneqarnissaat pisariaqarluinnarmat, Leif Fontaine oqarpoq.

ICCp ataatsimeersuarnera sisamanngornermi naammassissaaq.

Leif Fontainep oqalugiataa kalaallisut tuluttulluunnit aasinnaavat linkit talerpianiittut atorlugit.

ICC pillugu allaaserisat uani atuarsinnaavatit

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER