Issittumi Periusissiaq pillugu siammasissumik isumaqatigiinneq
Issittumi Periusissiaq 2021-mi atuutilertussaq pillugu Inatsisartuni siammasissumik isumaqatigiittoqarnissaa, Naalakkersuisut anguniarpaat.
Nunanut allanut tunngasuni Naalakkersuisoq Steen Lynge Kunngeqarfiup Issittumut Periusissiassaanut 2021-mit atuutilersussamut Kalaallit Nunaannit siunnersuuteqarnissaq eqqarsaatigalugu Inatsisartuni siamasissumik isumaqatigiissusiortoqarnissaanik pilersaaruteqarpoq.
Aviisi Sermitsiaq taama allappoq.
Kalaallit Nunaat assigiinngitsunik periarfissaqarpoq.
Uagut nammineerluta periusissiaateqarsinnaavugut, naalagaaffeqatigiit Issittumut periusissiaannut ataatsimoorussamut ikinnerussuteqartutut oqaaseqaateqarsinnaavugut. Issittumilu periusissiami suliarineqartumi immitsinnut ilisarisinnaassanngikkutta atsioqataannginnissatsinnut annertuumik aarlerinaateqarpoq.
- Taamaattumik uannut pingaaruteqarpoq, Kunngeqarfiup Issittumut Periusissiassaanut siunnersuutissarput pillugu ataatsimiititaliami partiit sinnerinut isumaqatigiissutiginissaat, Steen Lynge aviisimut Sermitsiamut oqarpoq.
Aviisimi atuarnerusinnaavutit. Aviisi uani pisiariuk: