Issittumi nutaamik pisoqalerneranut sorsuut takussutissiivoq
Umiarsuaq sorsuut ”Peter Willemoes” siullermeerluni Nuummut talippoq, Issittumilu isumannaallisaanermut politikkimi pissanganartorsiornerit annertusinerannut takussutissaalluni.
Umiarsuaq sorsuut 140 meterisut takissuseqartoq, rakettinik aallartitsissutinik aamma qamutilinnik assigiinngitsunik sakkoqartoq, danskit sakkutuuisa imarsiortut umiarsuaasa ilagaat, Issittumilu Sakkutooqarfiup suliaqarneranik angusamik malunnartitsivoq.
Umiarsuaq sorsuut umiarsuit alapernaarsuutit ilisimaneqarluartut peqatigalugit Savalimmiut aamma Kalaallit Nunaata nakkutigineqarneranik aamma oqartussaaffiginninnerannik takutitsinerannut ilaalerpoq.
Issittumi suliaqarnerup nukittorsarnera
- Atlantikup avannaani aamma Kalaallit Nunaata eqqaanut sorsuutip inissinneqarnera Illersornissaqarfiup Issittumi nukittorsarneqarnissaanik siammasissumik politikkikkut kissaateqarnerup takussutissartaraa, Issittumi Sakkutooqarfik ilisimatitsivoq.
Sorsuutip sensorii nutaanik aamma pitsaanerusunik periarfissiisut ilisimatitsisutigineqarpoq. Radarit imaaani assiliartalersuinermut pitsaanerusumut aamma silaannarmik nakkutilliinermut tapersiipput. Tamatuma saniatigut umiarsuaq sorsuut sonareqarpoq, Illersornissaqarfiullu qulimiguuliutaa nutaaq MH-60R Seahawk nassataraa.
Sakkutuujunngitsunut suliaqarneq
- Umiarsuaq sorsuut aamma sakkutuujunngitsunik suliaqarnermut soorlu ujaasinernut, annaassiniarnernut kiisalu umiarsuarnut allanut ingiaqatiginninnermut ilaasinnaavoq, Issittumi Sakkutooqarfik ilisimatitsivoq.
Umiarsuaq sorsuut 28 knobimik igeriarsinnaavoq, 9.000 sømilinik saassussiviginnissinnaavoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...