Skip to main content

Issittumi nunat pissaanillit sisamaat

Nunanut allanut ministerip Jeppe Kofodip aalajangiusimavaa, Danmarkip pingaarnertut USA peqatigissagaa, politikerilli allat oqaatigalugu nunat avannarliit suleqatigiinnerat iluaqutaasumik Issittumi nunat pissaanillit sisamaattut ineriartortinneqarsinnaasoq.

Folketingip Issittumut aallartitai sapaatip akunnerani kingullermi sisamanngormat ataatsimiimmata, nunanut allanut ministeri Jeppe Kofod (S) peqataavoq, ilaatigullu issittumi periaasissap suliarinerata sumut killinneranik aamma Danmarkimi naalakkersuisut nunanut allanut periaasissaata suliarineqarnerata killiffianik paasissutissiilluni.

Christian Juhlip Enhedslistenimeersup ministeri kajumissaarpaa Issittumut periaasissamut suliaqarnermi akuutitsineroqqullugu. Tamatumunnga atatillugu nunat avannarliit suleqatigiinnerisa nunat pissaanillit pissaaneqarniunneranni sukat sisamaattut inissisimalersinnaanerannut periarfissap pingaaruteqarnera erseqqissarpaa, Sermitsiaq allappoq.

– Nunarsuarmi nunat pissaanilissuit pingasuupput, taakkulu Ilulissani isumaqatigiissummut annerusumik ataqqinnissuseqanngillat. Isumaqarpunga pissaanillit sisamanngoraluarpata pitsaassagaluartoq, taakku tassaassallutik nunat nunanit avannarlerneersut, taakkulu ataatsimoorlutik Issittumi periaasissamik saqqummiussisinnaapput taamaalillutillu Ruslandimut, Kinamut aamma USA-mut pingaarutilimmik inissisimalersinnaallutik.

- Nunat avannarliit siunnersuisoqatigiivini ataatsimoorussamik politikeqarpugut, sulissutigalugulu Issittoq pillugu qaninnerusumik suleqatigiinnissarput aamma Ilulissani isumaqatigiissutip tunngaviusumik anguniagai illersorneqassasut. Nunani Avannarlerni naleqartitatsigut immitsinnut qaninneruvugut, tassa USA-mut attaveqarnitsinnit annerusumik, Christian Juhl oqarpoq ilanngullugulu oqaatigalugu, Nunat Avannarliit Issittumi suleqatigiinnissaminnut takorluugaqarnerat pingaaruteqartoq.

Nunanut allanut ministerilli Jeppe Kofodip isumaqatiginartinngilaa, nunat avannarliit suleqatigiinnerisa salliutinneqarnissaa. Sulimi taanna isumaqarpoq, Danmarkip USA peqatigilluinnartariaqaraa – Naalagaaffeqatigiinnit qaninnerpaamik iligineqarmat.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER