Pinngortitaleriffik
Issittumi ilisimartusarnikkut isaaffik nutarterneqartoq
Kalaallit Nunaanni Issittunilu ilisimatusarnerit Isaaffimmut katersorneqartarput.
Kalaallit Nunaannit ilisimatusarnernik ataatsimut isiginnissinnaatitsisoq
Pinngortitaleriffiup universitetenik ilisimatuullu misissuisarfiinik suleqateqarluni 2015-imi Isaaffik.org atulersimmagu tamanna siunertaasimavoq.
Piffissallu ingerlanerani annertusiartuinnarsimasoq maanna nutaamik isikkoqalerpoq.
Nunarsuarmi silap pissusaata allanngoriartornerata kinguneri Issittuni malunnnarnerpaammata Issittoq pillugu Issittumilu ilisimatusarnerit ukiuni kingullerni amerliartupiloornerat patsisigineqarpoq.
Ataatsimullu isiginnissinnaatitsineq, Isaaffiup pilersissavaa.
- Isaaffik.org-imik atuisut Kalaallit Nunaanni nunanilu issittoq pillugu ilisimatusarnermik suliaqarfiusuni Issittumi sumiiffinni assigiinngitsuni ilisimatusaatigalugu suliat, ilinniartitsinerit, ilisimasassarsiorluni angalanerit, suliffissat pisullu allat pillugit tamakkiinerusumik isigisaqarsinnaalerput, Peter Schmidt Mikkelsen, Isaaffik.gl-imi ataqatigiissaarisutut atorfilik oqarpoq.
Kalaallit Nunaanni Pinngortitaleriffik, Aarhusip Universitetia, Aalborgip Universitetia, Københavnip Universitetia, Syddansk Universitet Danmark, Danmarks Tekniske Universiteti, Danmarkimi Silasiorfik-Danmarks Meteorologiske Institutti, Geologiske Undersøgelser for Danmark og Grønland, Isaaffik.org-imut tapersersuipput.
Isaaffik.org-ip quppernera nutaaq pisinnaasaanik isikkuanillu nutarterisoqarsimavoq.