Sisimiuni Teknikimik Ilinniarfik (KTI) inuusuttorpassuarnut, Issittumi sanaartornermik suliaqarnerup iluani ilinniagaqarusuttunut, taavalu mittarfinnik sanaartortoqalerpat, umiarsualivinnik, aatsitassarsiorfinnik aqqusinernillu pilersaarusiortoqalerpat sallerpaameeqataarusuttunut, nutaarsiassatsialaateqarpoq.

Ilinniarnermi sammiviit nutaat sisamat pineqarput: Kuitsivilerisoq, qaliliortoq, isaterisoq aamma flisilerisoq. Aallartittussanut siullernut ilinniartunut 20-25-nut inissaqarnissaa naatsorsuutigineqrpoq, KTI-mi paasissutissiisartoq, Tove Madsen, oqaluttuarpoq.

– Issittumi najugaqarpugut, ilinniakkallu neqeroorutigisatta ilarpassui Europami misilittakkanik tunngaveqarput. Issittumili allanik unammilligassaqarpugut, ilinniakkallu Kalaallit Nunaanni pissutsinut atorsinnaanerusunngortinniarnissaannik anguniagaqarpugut. Taamaattumik ilinniagaq nutaaq taanna pilersinneqarpoq, Tove Madsen oqarpoq.

Aviisimut tapiliussami ilinniartitaaneq pillugu allaaserisat arlallit atuarsinnaavatit. Ilinniartitaaneq pillugu aviisi tapiliussaq akeqanngitsumik uani atuarsinnaavat.